రాజమౌళి చిత్రానికి కంటే ముందు..
- IndiaGlitz, [Thursday,May 17 2018]
మెగాపవర్ స్టార్ రామ్ చరణ్, కియారా అద్వాని జంటగా యాక్షన్ చిత్రాల స్పెషలిస్ట్ బోయపాటి శ్రీను దర్శకత్వంలో ఓ సినిమా తెరకెక్కుతున్న విషయం తెలిసిందే. చరణ్ కెరీర్‌లో 12వ చిత్రంగా రూపుదిద్దుకుంటున్న ఈ సినిమాని డి.వి.వి.దానయ్య నిర్మిస్తున్నారు. ప్రస్తుతం.. ఈ యాక్షన్ ఎంటర్‌టైనర్ బ్యాంకాక్‌లో చిత్రీకరణ జరుపుకుంటోంది.
దీని తర్వాత దర్శకధీరుడు రాజమౌళి డైరెక్షన్‌లో తెరకెక్కుతున్న మల్టీస్టారర్ మూవీలో ఎన్టీఆర్, చరణ్ హీరోలుగా నటించబోతున్న విషయం తెలిసిందే. ఈ సినిమా అక్టోబర్ నుంచి సెట్స్ పైకి వెళ్లనుంది. అయితే.. చరణ్ మాత్రం రాజమౌళితో సినిమా ప్రారంభమవ‌డానికి ముందే మరో సినిమా చేయడానికి ప్లాన్ చేస్తున్నట్టు తెలుస్తోంది.
ప్రస్తుతం.. బ్యాంకాక్‌లో షూటింగ్‌లో ఉన్న చరణ్ ఈ నెల 25న హైదరాబాద్ చేరుకోనున్నారు. అనంతరం తన కొత్త సినిమా కథా చర్చల్లో పాల్గొనబోతున్నారని సమాచారం. త్వరలోనే ఈ సినిమాకి సంబంధించి.. దర్శకుడు త‌దిత‌ర విష‌యాల‌పై క్లారిటీ వస్తుంది.