தளபதி விஜய் நடித்து வரும் ’மாஸ்டர்’ திரைப்படத்தில் மக்கள் செல்வன் விஜய் சேதுபதி வில்லனாக நடித்து வருகிறார் என்பது தெரிந்ததே. இந்த படத்தின் பர்ஸ்ட் லுக் போஸ்டர் சமீபத்தில் வெளியான நிலையில் விஜய் சேதுபதியின் பிறந்த நாளான ஜனவரி 16 ஆம் தேதி இந்த படத்தின் இரண்டாம் லுக் போஸ்டர் வெளிவரும் என்றும் அந்த போஸ்டரில் விஜய், விஜய்சேதுபதி ஆகிய இருவரும் இருக்க அதிக வாய்ப்பு உள்ளது என்றும் தகவல்கள் வெளிவந்துள்ளன.

இந்த நிலையில் ’மாஸ்டர்’ செகண்ட்லுக் வெளியாகும் முந்திய நாள் அதாவது நாளை, விஜய் சேதுபதி நடிக்க இருக்கும் இன்னொரு படத்தின் பர்ஸ்ட் லுக் போஸ்டர் வெளியாக உள்ளதாக அறிவிக்கப்பட்டுள்ளது. அந்த படம்தான் யாதும் ஊரே யாவரும் கேளிர் என்ற திரைப்படம் ஆகும்.

வெங்கடகிருஷ்ண ரோக்நாத் என்பவர் இயக்கி வரும் இந்தப் படத்தில் விஜய் சேதுபதியுடன் மேகாஆகாஷ், விவேக், மோகன் ராஜா உள்பட பலர் நடித்து வருகின்றனர். நிவாஸ் கே பிரசன்னா இசையில் உருவாகி வரும் இந்தப் படத்தை சந்திரா ஆர்ட்ஸ் நிறுவனம் தயாரித்து வருகிறது. இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது.

#YaadhumOoreYaavrumKelir First Look From Tomorrow.@ChandaraaArts @cineinnovations @roghanth @akash_megha @Actor_Vivek @jayam_mohanraja @nivaskprasanna @raguadityaa @designpoint001 @rkajay94 @onlynikil @CtcMediaboy pic.twitter.com/POPOvzT6En

— VijaySethupathi (@VijaySethuOffl) January 14, 2020