தமிழக சுகாதாரத் துறைச் செயலாளராக இருந்த பீலா ராஜேஷ் திடீரென மாற்றப்பட்டு உள்ளதால் பெரும் பரபரப்பு ஏற்பட்டுள்ளது. ஏற்கனவே சுகாதாரத் துறைச் செயலாளராக இருந்த ஐஏஎஸ் அதிகாரி ராதாகிருஷ்ணன் அவர்கள் மீண்டும் சுகாதாரத் துறைச் செயலாளராக நியமனம் செய்யப்பட்டுள்ளார்

தமிழகத்தில் கொரோனா வைரஸ் பாதிப்பு தொடங்கியதிலிருந்தே சுகாதாரத்துறை சுறுசுறுப்பாக செயல்பட்டு வந்தது. சுகாதாரத் துறைச் செயலாளராக இருந்த பீலா ராஜேஷ் தினமும் கொரோனா வைரஸ் குறித்த நடவடிக்கைகள் குறித்தும் ஒவ்வொரு நாளும் கொரோனா வைரசால் பாதிக்கப்படுபவர்களின் எண்ணிக்கை குறித்து செய்தியாளர்களுக்கு பேட்டி அளித்து வந்தார். இதனால் தமிழகம் முழுவதும் அவர் பிரபலமானார்.

இந்த நிலையில் திடீரென தற்போது பீலா ராஜேஷ் மாற்றப்பட்டு அவருக்கு பதிலாக சுகாதாரத் துறைச் செயலாளராக ராதாகிருஷ்ணன் அவர்கள் நியமனம் செய்யப்பட்டுள்ளார். ஏற்கனவே இவர் சுகாதார செயலாளராக இருந்தவர் என்பதும், தற்போது கொரோனா சிறப்பு அதிகாரியாக இருந்து வருகிறார் என்பதும் குறிப்பிடத்தக்கது

கொரோனா வைரஸ் தமிழகத்தில் குறிப்பாக சென்னையில் நாளுக்கு நாள் அதிகரித்து வரும் நிலையில் புதிதாக சுகாதாரத் துறைச் செயலாளராக பொறுப்பேற்றுள்ள ராதாகிருஷ்ணன் அவர்கள் அதிரடி நடவடிக்கை எடுத்து கொரோனாவை கட்டுப்படுத்துவார் என எதிர்பார்க்கப்படுகிறது