தளபதி விஜய்யின் 'வாரிசு' படத்தில் இணைந்த 'பீஸ்ட்' பிரபலம்!
- IndiaGlitz, [Saturday,October 08 2022]
தளபதி விஜய் நடித்து வரும் ‘வாரிசு’ திரைப்படத்தில் ஏற்கனவே ஒரு பெரிய நட்சத்திரக் கூட்டமே நடித்து வரும் நிலையில் தற்போது மேலும் ஒரு பிரபலம் இணைந்து உள்ளதாக தகவல் வெளியாகியுள்ளது.
தளபதி விஜய் நடித்து வரும் ‘வாரிசு’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது என்பது தற்போது இறுதிகட்ட படப்பிடிப்பில் படக்குழுவினர் சுறுசுறுப்பாக உள்ளனர் என்பது குறிப்பிடத்தக்கது.
இந்த நிலையில் இந்த படத்தில் ஏற்கனவே ராஷ்மிகா மந்தனா, சரத்குமார், பிரகாஷ்ராஜ், யோகிபாபு உள்ளிட்ட பல பிரபலங்கள் நடித்து வரும் நிலையில் தற்போது பிரபல கலை இயக்குனர் டிஆர்கே கிரண் இந்த படத்தில் ஒரு முக்கிய கேரக்டரில் நடிக்க இருப்பதாக தகவல் வெளியாகியுள்ளது. இவர் ஏற்கனவே விஜய் நடிப்பில் நெல்சன் இயக்கத்தில் உருவான ‘பீஸ்ட்’ படத்தில் கலை இயக்குனராக பணிபுரிந்துள்ளார் என்பது குறிப்பிடத்தக்கது.
தமிழ் திரையுலகில் இயக்குனர்கள், இசை அமைப்பாளர்கள், ஒளிப்பதிவாளர்கள் உள்பட பலர் நடித்து வரும் நிலையில் அந்த வரிசையில் தற்போது கலை இயக்குனர் டிஆர்கே கிரண், ‘வாரிசு’ படத்தில் நடிக்க வந்துள்ளார் என்பது குறிப்பிடத்தக்கது.