அரவிந்தசாமி, அமலாபால் நடிப்பில் சித்திக் இயக்கிய 'பாஸ்கர் ஒரு ராஸ்கல்' திரைப்படம் வரும் பொங்கல் தினத்தில் வெளியாகும் என்று ஏற்கனவே அறிவிக்கப்பட்டிருந்தாலும் தற்போது சரியான ரிலீஸ் தேதி குறித்த அறிவிப்பு வெளிவந்துள்ளது.

இந்த படம் வரும் ஜனவரி 12ஆம் தேதி வெளியாகவுள்ளதாக அதிகாரபூர்வமாக அறிவிக்கப்பட்டுள்ளது. மேலும் இந்த படத்தின் ரிலீஸ் தேதியுடன் கூடிய புதிய போஸ்டரும் இணையதளங்களில் வெளிவந்துள்ளது. இதே பொங்கல் தினத்தில் தான் சூர்யாவின் 'தானா சேர்ந்த கூட்டம் மற்றும் விக்ரமின் 'ஸ்கெட்ச்' திரைப்படங்களும் வெளிவரவுள்ளது என்பது குறிப்பிடத்தக்கது

அரவிந்த் சாமி, அமலாபால், நாசர், சூரி, ரோபோசங்கர், ரமேஷ் கண்ணா, சித்திக், மாஸ்டர்ராகவ், பேபி நைனிகா மற்றும் முக்கிய வேடத்தில் பாலிவுட் நடிகர் ஆஃப்தாப் ஷிவ்தசானி ஆகியோர் நடித்துள்ள இந்த படம் மலையாளத்தில் மம்மூட்டி, நயன்தாரா நடிப்பில் கடந்த 2015 ஆம் ஆண்டு வெளிவந்த மலையாள படத்தின் ரீமேக் என்பது குறிப்பிடத்தக்கது.