அரவிந்தசாமி, அமலாபால் நடிப்பில் சித்திக் இயக்கியுள்ள 'பாஸ்கல் ஒரு ராஸ்கல்' திரைப்படம் கடந்த 11ஆம் தேதி ரிலீஸ் ஆகும் என்று அறிவிக்கப்பட்டிருந்தது. இந்த படத்தின் பத்திரிகையாளர்கள் காட்சி மே 10ஆம் தேதி திரையிடப்பட்ட நிலையில் திடீரென கடைசி நேரத்தில் இந்த படத்தின் ரிலீஸ் தேதி தள்ளி வைக்கப்பட்டது. இதற்கு அரவிந்தசாமி, அமலாபால் வருத்தம் தெரிவித்திருந்தனர்.

இந்த நிலையில் இந்த படம் மே 17ஆம் தேதி ரிலீஸ் ஆகும் என்று அறிவிக்கப்பட்டு, புதிய ரிலீஸ் தேதியுடன் கூடிய போஸ்டர் ஒன்று சற்றுமுன் சமூக இணையதளத்தில் வெளியாகியுள்ளது. ஏற்கனவே மே 18ஆம் தேதி விஜய் ஆண்டனியின் 'காளி', அதர்வாவின் 'செம போத ஆகாதே' ஆகிய இரண்டு படங்கள் வெளியாகவுள்ள நிலையில் தற்போது இந்த படங்களுடன் பாஸ்கர் ஒரு ராஸ்கல்' திரைப்படமும் இணைந்துள்ளது.

அரவிந்தசாமி, அமலாபால், நாசர், சூரி, ரோபோ சங்கர், ரமேஷ் கண்ணா, சித்திக், மாஸ்டர் ராகவ் ,பேபி நைனிகா ஆகியோருடன் ,மிரட்டலான வில்லன் வேடத்தில் பாலிவுட் நடிகர் அஃப்தாப் ஷிவ்தசானி நடித்துள்ளார். அம்ரேஷ் இசையமைத்துள்ள இந்த படத்திற்கு விஜய் உலகநாத் ஒளிப்பதிவு செய்துள்ளார். இந்தப் படத்துக்கு ரமேஷ் கண்ணா வசனம் எழுதியுள்ளார்.