நடிகை ஸ்ருதி புகார் எதிரொலி: அர்ஜூன் மீது அதிரடி நடவடிக்கை எடுத்த போலீஸ்
- IndiaGlitz, [Saturday,October 27 2018]
மீடூ குற்றச்சாட்டு குறித்த விவகாரம் கோலிவுட் மட்டுமின்றி தென்னிந்திய திரையுலகம் முழுவதும் பரவி வரும் நிலையில் சமீபத்தில் பிரபல கன்னட நடிகை ஸ்ருதி ஹரிஹரன், ஆக்சன் கிங் அர்ஜூன் மீது பாலியல் குற்றச்சாட்டு ஒன்றை தெரிவித்தார். இதனையடுத்து கர்நாடக பிலிம் சேம்பர் இருவரையும் அழைத்து சமாதான பேச்சுவார்த்தை நடத்தியதாகவும், இந்த பேச்சுவார்த்தையில் ஒருமித்த கருத்து ஏற்படாததை அடுத்து ஸ்ருதி பெங்களூரு காவல்துறையில் புகார் செய்தார். இதற்கு பதிலடியாக ரூ.5 கோடி நஷ்ட ஈடு கேட்டு அர்ஜூன் நீதிமன்றத்தில் வழக்கு தொடர்ந்தார்
இந்த நிலையில் நடிகர் அர்ஜூன் மீது 4 பிரிவுகளில் பெங்களூரு போலீசார் வழக்குப்பதிவு செய்துள்ளனர். இந்திய பீனல் கோட் 354 ஏ, 509, 506, 354 ஆகிய 4 பிரிவுகளில் நடிகர் அர்ஜூன் மீது வழக்குப்பதிவு செய்யப்பட்டுள்ளதாக செய்திகள் வெளிவந்துள்ளது
'விஸ்மயா' படத்தில் நடித்த போது தனக்கு பாலியல் தொல்லை கொடுத்ததாக நடிகை ஸ்ருதி ஹரிஹரன் அளித்த புகாரின் அடிப்படையில் இந்த வழக்கு பதிவு செய்யப்பட்டுள்ளதாகவும் விரைவில் இதுகுறித்து அர்ஜூனை பெங்களூரு போலீசார் விசாரணை செய்யவுள்ளதாகவும் கூறப்படுகிறது.