பெங்களூர் நாட்கள்' சென்சார் விபரங்கள்
- IndiaGlitz, [Wednesday,January 27 2016]
ஆர்யா, ராணா, பாபிசிம்ஹா, ஸ்ரீதிவ்யா, பார்வதி, சமந்தா, ராய்லட்சுமி உள்பட பல நட்சத்திரங்கள் நடித்த 'பெங்களூர் நாட்கள்' படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகளும் நிறைவு பெறும் நிலையில் உள்ளது. இந்நிலையில் இந்த படம் இன்று சென்சார் அதிகாரிகளுக்கு திரையிடப்பட்டது.
இந்த படத்தை பார்த்த சென்சார் அதிகாரிகள் படத்திற்கு 'U' சர்டிபிகேட் கொடுத்துள்ளனர். மேலும் படக்குழுவினர்களுக்கு சென்சார் அதிகாரிகள் பாராட்டு தெரிவித்ததாகவும் தகவல்கள் கூறுகின்றன. இந்த படம் 'U' சர்டிபிகேட் பெற்றுள்ளதால் தமிழக அரசின் வரிவிலக்கு சலுகையை பெறும் வாய்ப்பையும் பெற்றுள்ளது.
'பெங்களூர் நாட்கள்' படம் சென்சார் செய்யப்பட்டதை அடுத்து இந்த படத்தின் ரிலீஸ் தேதி விரைவில் அதிகாரபூர்வமாக அறிவிக்கப்படும் என தெரிகிறது. மேலும் இன்று மாலை இந்த படத்தின் டிரைலர் ரிலீஸ் ஆகிறது என்பது குறிப்பிடத்தக்கது.
கோபிசுந்தர் இசையமைத்திருக்கும் இந்த படத்தை பொம்மரில்லு பாஸ்கர் இயக்கியுள்ளார். பிவிபி நிறுவனம் இந்த படத்தை பிரமாண்டமாக தயாரித்துள்ளது. இந்த படம் மலையாளத்தில் சூப்பர் ஹிட் ஆகிய 'பெங்களூர் டேய்ஸ்' படத்தின் தமிழ் ரீமேக் என்பது அனைவரும் அறிந்ததே.