சிவகார்த்திகேயன் நடித்த 'வருத்தப்படாத வாலிபர் சங்கம்' மூலம் தமிழக ரசிகர்களின் மனதில் குடிபுகுந்த நடிகை ஸ்ரீதிவ்யா, அதன்பின்னர் காக்கி சட்டை, வெள்ளக்கார துரை, ஈட்டி, போன்ற ஹிட் படங்களில் நடித்து முன்னணி இடத்தை நோக்கி சென்று கொண்டிருக்கின்றார்.

இந்நிலையில் ஸ்ரீதிவ்யா நடித்த 'பெங்களூர் நாட்கள்' நேற்று முன் தினம் வெளியாகி நல்ல விமர்சனத்தையும் வரவேற்பையும் பெற்றுள்ளது. இந்த படத்தில் ஸ்ரீதிவ்யா தனது சொந்தக்குரலில் டப்பிங் பேசியுள்ளார். ஸ்ரீதிவ்யாவின் நடிப்பிற்கும், டப்பிங் குரலுக்கும் ஏராளமான பாராட்டுக்கள் சமூக வலைத்தளங்காளில் குவிந்து வருகிறது.

ஃபேஸ்புக்கிலும், டுவிட்டரிலும் ரசிகர்கள் வாழ்த்துமழை பொழிவதை கண்ட ஸ்ரீதிவ்யா, மிகவும் உணர்ச்சிவசப்பட்டு தன்னை பாராட்டிய ரசிகர்களுக்கு நன்றி தெரிவித்துள்ளார். இனிவரும் படங்களிலும் சொந்தக்குரலில் டப்பிங் செய்ய இந்த வாழ்த்துக்கள் தனக்கு உந்துதலாக இருப்பதாகவும் அவர் தெரிவித்துள்ளார்.