'AAA படக்குழு பாணியில் குற்றம் சாட்டியுள்ள பலூன் இயக்குனர்
- IndiaGlitz, [Wednesday,January 03 2018]
கடந்த ஆண்டு வெளியான சிம்புவின் 'AAA' திரைப்படத்தின் இயக்குனர் மற்றும் தயாரிப்பாளர் பத்திரிகையாளர்களை சந்தித்து சிம்பு மீது பல்வேறு குற்றச்சாட்டுக்களை தெரிவித்தனர். அதில் முக்கிய குற்றச்சாட்டு சிம்பு படப்பிடிப்புக்கு தாமதமாக வந்தார் என்பதுதான்
இந்த நிலையில் சமீபத்தில் வெளியான 'பலூன்' இயக்குனரும் தனது சமூக வலைத்தளத்தில் திடுக்கிடும் ஒரு குற்றச்சாட்டை கூறியுள்ளார். ஒருசிலரால் பலூன் படத்தின் பட்ஜெட் அதிகமானதாகவும், இதனால் தயாரிப்பாளருக்கு கூடுதல் செலவானதாகவும், இதற்கான ஆதாரம் தன்னிடம் இருப்பதாகவும் தெரிவித்துள்ளார். மேலும் சினிமாவுக்கு வரும்போது அமாவாசை சத்யராஜ் போல் வந்து பின்னர் தங்களது சுயரூபத்தை காட்டுவதாகவும் அவர் குற்றம் சாட்டியுள்ளனர்.
கடினமான உழைப்பை மட்டுமே மூலதனமாக கொண்டு வருபவர்களுக்கு மட்டுமே சினிமா துறை கைகொடுக்கும் என்று கூறிய இயக்குனர் சினிஷ், இந்த படத்தின் படப்பிடிப்பின்போது பொறுப்பில்லாமல் ஒருசிலர் நடந்து கொண்டதாக குற்றம் சாட்டியுள்ளார். மேலும் அந்த நபர் தானாகவே முன்வந்து தயாரிப்பாளரின் நஷ்டத்தை ஈடுகட்ட வேண்டும் என்றும் அவர் தெரிவித்துள்ளார். பலூன் படத்தின் அதிகப்படியான செலவுக்கு காரணமான அந்த நபர் யார் என்பதை இயக்குனர் விரைவில் அறிவிப்பார் என்று நம்பப்படுகிறது.
ஆனால் அதே நேரத்தில் பலூன் படம் ஹிட் என்று கூறியுள்ள இயக்குனர் சினிஷ், அந்த வெற்றியை தான் கொண்டாட முடியாத நிலையில் இருப்பதாகவும் தெரிவித்துள்ளார்.,