నటసింహ నంద‌మూరి బాల‌కృష్ణ కెరీర్‌లో గుర్తుండిపోయే చిత్రాల్లో స‌మ‌ర‌సింహారెడ్డి ఒక‌టి. ఫ్యాక్ష‌న్ చిత్రాల ట్రెండ్ ఈ చిత్రంతో ఊపందుకుంది. 1999లో జ‌న‌వ‌రి 13న సంక్రాంతి కానుక‌గా విడుద‌లైన ఈ సినిమా గ‌త రికార్డుల‌ను తిర‌గ‌రాసి చ‌రిత్ర సృష్టించింది అప్ప‌ట్లో. అలాంటి జ‌న‌వ‌రి 13న మ‌ళ్లీ 19 ఏళ్ల త‌రువాత బాల‌య్య మూవీ రానుంది. కాస్త వివ‌రాల్లోకి వెళితే.. ప్ర‌ముఖ త‌మిళ ద‌ర్శ‌కుడు కె.ఎస్‌.ర‌వికుమార్ ద‌ర్శ‌క‌త్వంలో బాల‌కృష్ణ న‌టిస్తున్న కొత్త చిత్రం సంక్రాంతి కానుక‌గా రానున్న సంగ‌తి తెలిసిందే.

అయితే ఆ సినిమా విడుద‌ల తేదిగా జ‌న‌వ‌రి 13ని క‌న్‌ఫ‌ర్మ్ చేశార‌ని వార్త‌లు వినిపిస్తున్నాయి. సి.క‌ళ్యాణ్ నిర్మిస్తున్న ఈ చిత్రం.. న‌టుడిగా బాల‌య్య‌కి 102వ సినిమా. సింహా, శ్రీ‌రామ‌రాజ్యం త‌రువాత బాల‌కృష్ణ‌, న‌య‌న‌తార కాంబినేష‌న్‌లో వ‌స్తున్న ఈ హ్యాట్రిక్ ప్ర‌య‌త్నంలో హ‌రి ప్రియ‌, న‌టాషా దోషి కూడా హీరోయిన్లుగా న‌టిస్తున్నారు. గౌత‌మిపుత్ర శాత‌క‌ర్ణి ఫేమ్ చిరంత‌న్ భ‌ట్ సంగీత‌మందిస్తున్నాడు.