విజయం కోసం బాలయ్య యాగం..!
- IndiaGlitz, [Friday,December 23 2016]
నంద‌మూరి న‌ట సింహం బాలయ్య సినీ ప్ర‌యాణంలో మైలు రాయిగా నిలిచే 100వ చిత్రం గౌత‌మీపుత్ర శాత‌క‌ర్ణి. జాగ‌ర్ల‌మూడి క్రిష్ తెర‌కెక్కించిన గౌత‌మీపుత్ర శాత‌క‌ర్ణి చిత్రం సంక్రాంతికి ప్రేక్ష‌కుల ముందుకు వ‌చ్చేందుకు రెడీ అవుతుంది. బాల‌కృష్ణ‌కు దైవ‌భ‌క్తి ఎక్కువ అనే విష‌యం అంద‌రికీ తెలిసిందే. ఇటీవ‌ల రిలీజ్ చేసిన గౌత‌మీపుత్ర శాత‌క‌ర్ణి ట్రైల‌ర్ రిలీజ్ కు ముందు బాలయ్య తెలంగాణ‌లోని కోటిలింగాల‌లో ప్ర‌త్యేక పూజ‌లు చేయించారు. అలాగే బాలయ్య అభిమానులు భార‌త‌దేశంలోని 100 పుణ్య‌క్షేత్రాల‌ను ద‌ర్శించుకుని ప్ర‌త్యేక పూజ‌లు చేయిస్తున్నారు.
ఇక బాలయ్య జ‌న‌వ‌రి ఫ‌స్ట్ వీక్ లో గౌత‌మీపుత్ర శాత‌క‌ర్ణి విజయం సాధించాలి అని కోరుతూ యాగం చేయ‌నున్నార‌ని స‌మాచారం. ఇటీవ‌ల రిలీజ్ చేసిన గౌత‌మీపుత్ర శాత‌క‌ర్ణి ట్రైల‌ర్ కు అనూహ్య స్పంద‌న ల‌భించ‌డం ప‌ట్ల బాలయ్య చాలా సంతోషంగా ఉన్నార‌ట. గౌత‌మీపుత్ర శాత‌క‌ర్ణి ఆడియోను ఈనెల 26న తిరుప‌తిలో భారీ స్ధాయిలో రిలీజ్ చేయ‌నున్నారు.