నంద‌మూరి న‌ట సింహాం బాల‌క్రిష్ణ న‌టిస్తున్న తాజా చిత్రం డిక్టేట‌ర్. ఈ చిత్రాన్ని శ్రీవాస్ తెర‌కెక్కిస్తున్నారు. ఈరోస్ ఇంట‌ర్నేష‌న‌ల్ సంస్థ‌తో క‌ల‌సి డైరెక్ట‌ర్ శ్రీవాస్ ఈ చిత్రాన్ని నిర్మిస్తున్నారు. ప్ర‌స్తుతం డిక్టేట‌ర్ రామోజీ ఫిలిం సిటీలో శ‌ర‌వేగంగా షూటింగ్ జ‌రుపుకుంటుది. బాల‌య్య మ‌రి కొంత మంది పై ఓ పాట చిత్రీక‌రిస్తున్నారు. ఈ చిత్రాన్ని సంక్రాంతి కానుక‌గా జ‌న‌వ‌రి 14న రిలీజ్ చేయ‌డానికి ప్లాన్ చేస్తున్నారు.

ఇదిలా ఉంటే..అక్కినేని మ‌న్మ‌ధుడు నాగార్జున న‌టిస్తున్న తాజా చిత్రం సొగ్గాడే చిన్నినాయ‌నా. ఈ చిత్రాన్ని నూత‌న ద‌ర్శ‌కుడు క‌ళ్యాణ్ క్రిష్ణ తెర‌కెక్కిస్తున్నారు. అన్న‌పూర్ణ స్టూడియోస్ బ్యాన‌ర్ పై నాగార్జున ఈ చిత్రాన్నినిర్మిస్తున్నారు. దాదాపు షూటింగ్ పూర్తి చేసుకున్న సోగ్గాడే చిన్ని నాయ‌నా చిత్రాన్ని సంక్రాంతి కానుక‌గా జ‌న‌వ‌రి 15న రిలీజ్ చేయ‌డానికి ప్లాన్ చేస్తున్నారు. ఒక్క‌రోజు గ్యాప్ లో సీనియ‌ర్ హీరోలు బాల‌క్రిష్ణ‌, నాగార్జున సంక్రాంతి రేసులో పోటీప‌డుతుండ‌డం ఆస‌క్తిగా మారింది. మ‌రి..ఆస‌క్తిక‌ర పోటీలో విజేత ఎవ‌రో తెలియాలంటే సంక్రాంతి వ‌ర‌కు ఆగాల్సిందే.