దివంగ‌త ముఖ్య‌మంత్రి నంద‌మూరి తార‌క రామారావు బ‌యోపిక్‌ను 'య‌న్‌.టి.ఆర్‌' పేరుతో తెర‌కెక్కించ‌నున్న సంగ‌తి తెలిసిందే. సినిమా ప్రీ ప్రొడ‌క్ష‌న్ ప‌నుల‌ను శ‌ర‌వేగంగా జ‌రుపుకుంటోంది. అయితే మ‌ధ్య‌లోనే తేజ సినిమాను తాను డైరెక్ట్ చేయ‌లేన‌ని డ్రాప్ అయిన సంగ‌తి తెలిసిందే.

దీంతో సినిమాను ఎవ‌రూ తెర‌కెక్కిస్తార‌నే దానిపై చాలా ర‌కాలైన వార్త‌లు విన‌ప‌డ్డాయి. ఓ సంద‌ర్బంలో టైటిల్ పాత్ర‌లో న‌టిస్తూ సినిమాను నిర్మిస్తున్న బ‌ల‌కృష్ణే సినిమాను డైరెక్ట్ చేస్తాడ‌ని.. చంద్ర సిద్ధార్థ సినిమాకు ప‌ర్య‌వేక్ష‌కుడిగా వ్య‌వ‌హ‌రిస్తార‌ని వార్త‌లు వినిపించాయి.

అయితే బాల‌య్య క్యాంప్ మాత్రం తేజ కోసం తీవ్ర ప్ర‌య‌త్నాలు చేస్తూనే ఉంద‌ట‌. స‌న్నిహిత వ‌ర్గాలు తేజ‌తో రాయ‌భారాలు జ‌రుపుతున్నార‌ట‌. మ‌రి తేజ మ‌ళ్లీ బోర్డ్‌లోకి వ‌స్తాడా? రాడా? చూడాలి మ‌రి.