నందమూరి నటసింహం బాలకృష్ణ కెరియర్ లో ప్రయోగాత్మకంగా నిలిచిన చిత్రం ఆదిత్య 369. సింగీతం శ్రీనివాసరావు దర్శకత్వంలో రూపొందించిన ఈ చిత్రం ప్రజలను ఆకట్టుకుంది. 1991లో విడుదలైన ఈ సినిమాను చూస్తే.. ఇప్పటికీ ఆసక్తి కలుగుతోంది. అయితే బ్యాక్ టు ఫ్యూచర్ అనే హాలీవుడ్ చిత్రం ఆధారంగా రూపొందిన ఆదిత్య369 మూవీకి సీక్వెల్ రాబోతుందనే వార్తలు వచ్చాయ్. ఆదిత్య 999 గా సీక్వెల్ కు టైటిల్ ఖరారు చేసినట్లు కూడా తెలిసింది.

అయితే దీనిపై బాలయ్య ఓ ఇంటర్వ్యూలో స్పందించారు. ఆదిత్య 369 సినిమాకు సీక్వెల్ చేయాలని తనకూ ఉందన్నారు. ఈ కథ సీక్వెల్ గురించి ఆలోచిస్తున్నప్పుడు .. ఇందుకు సంబంధించిన ఆలోచన వచ్చిందన్నారు. ఈ కథకు కార్యరూపం దాల్చాల్సి ఉందని... తానే దర్శకత్వ బాధ్యతలు కూడా తీసుకుంటానని తెలిపారు బాలయ్య బాబు. దర్శకుడు సింగీతం శ్రీనివాసరావుకు వయసు పైబడటం వలన ... తానే ఈ సినిమాకు దర్శకత్వం వహించే నిర్ణయం బాలయ్య తీసుకున్నట్లు ఉన్నారని అంటున్నారు సినీ విశ్లేషకులు.