బాలయ్యతో సన్నీ...?
- IndiaGlitz, [Monday,April 04 2016]
నందమూరి బాలకృష్ణ ఇప్పుడు తన వందవ చిత్రం చిత్రీకరణకు సంబంధించి బిజీగా ఉన్నాడు. క్రిష్ దర్శకత్వంలో హిస్టారికల్ మూవీ గౌతమీ పుత్ర శాతకర్ణి అనే సినిమా రూపొందనుంది. సినిమా ప్రస్తుతం ప్రీ ప్రొడక్షన్ పనులు జరుపుకుంటుంది. టైటిల్ అనౌన్స్ అయినప్పటి నుండి సంచనాలకు ఈ చిత్రం కేంద్రబిందువైంది.
బాలీవుడ్ సీనియర్ నటి హేమామాలిని బాలయ్య తల్లిగా రాజమాత పాత్రలో కనపడనుంది. తాజాగా ఈ చిత్రంలో పోర్న్ స్టార్, ప్రస్తుతం బాలీవుడ్ ను తన అందచందాలతో ఊపేస్తున్న సన్నీలియోన్ ఓ కీలక పాత్రలో కనిపించనుంది. ఓ విషకన్య పాత్ర కోసం సన్నిలియోన్ నిర్మాతలు సంప్రదించినట్టు సమాచారం. ఇంతకు ముందు మంచు మనోజ్ కరెంట్ తీగ చిత్రంలో ఓ పాత్రలో సన్నిలియోన్ నటించింది. ఇందులో నిజానిజాలు తెలియాలంటే కొన్ని రోజులు ఆగాల్సిందే.