న‌ట‌సింహ నంద‌మూరి బాల‌కృష్ణ ప్రెస్టిజియ‌స్ మూవీ, 100వ చిత్రం గౌత‌మీపుత్ర శాత‌క‌ర్ణి తెర‌కెక్కుతోంది. ప్ర‌స్తుతం ద‌ర్శ‌కుడు క్రిష్ పెళ్లి కార‌ణంగా షెడ్యూల్ గ్యాప్ వ‌చ్చింది. అయితే హీరో బాల‌కృష్ణ ఈ గ్యాప్‌ను స‌ద్వినియోగం చేసుకోవాల‌నుకున్నాడేమో షూటింగ్ పూర్త‌యిన పార్ట్‌లో త‌న వంతు డ‌బ్బింగ్ పూర్తి చేయ‌డానికి రెడీ అయ్యాడు. బాల‌య్య స్పీడు చూసినోళ్లు బాల‌య్య త‌న వంద‌వ సినిమాపై ఎంత ఆస‌క్తిగా ఉన్నాడోనని అనుకుంటున్నారు.

నెక్ట్స్ షెడ్యూల్‌ను క్రిష్ హైద‌రాబాద్‌, మ‌ధ్య‌ప్ర‌దేశ్‌ల్లో చిత్రీక‌రించ‌డానికి రెడీ అవుతున్నాడ‌ట‌. ఆగ‌స్ట్ 20నుండి హైద‌రాబాద్‌లో, సెప్టెంబ‌ర్ 1నుండి మ‌ధ్య‌ప్ర‌దేశ్‌లో చిత్రీక‌ర‌ణ జ‌రుపుకుంటుంది. అన్నీ కార్య‌క్ర‌మాల‌ను పూర్తి చేసి సినిమాను సంక్రాంతి కానుక‌గా జ‌న‌వరి 12న విడుద‌ల చేయ‌డానికి స‌న్నాహాలు చేస్తున్నారు నిర్మాత‌లు. విజ‌య‌ద‌శ‌మికి టీజ‌ర్ విడుద‌ల‌య్యే అవ‌కాశాలు కూడా ఉన్నాయ‌ట‌.