మోక్ష‌జ్ఞ ఎంట్రీ గురించి క్లారిటీ ఇచ్చిన బాల‌య్య..!
- IndiaGlitz, [Friday,August 12 2016]
నంద‌మూరి న‌ట‌సింహం బాల‌య్య న‌టిస్తున్న వందో చిత్రం గౌత‌మీపుత్ర శాత‌క‌ర్ణి. క్రిష్ తెర‌కెక్కిస్తున్న గౌత‌మీపుత్ర శాత‌క‌ర్ణి చిత్రం 40% షూటింగ్ పూర్తి చేసుకుంది. ఈ చిత్రాన్ని సంక్రాంతి కానుక‌గా రిలీజ్ చేసేందుకు ప్లాన్ చేస్తున్నారు. ఇదిలా ఉంటే...ఈరోజు కృష్ణా పుష్కరాల సంద‌ర్భంగా బాల‌య్య దంప‌తులు విజ‌య‌వాడ దుర్గాఘాట్ లో స్నాన‌మాచ‌రించారు.
అనంత‌రం బాల‌య్య మాట్లాడుతూ...మోక్ష‌జ్ఞ ప్ర‌స్తుతం చ‌దువుకుంటున్నాడు. త‌ప్ప‌కుండా సినిమాల్లో న‌టిస్తాడు. మోక్ష‌జ్ఞ చ‌దువు పూర్త‌య్యిన త‌ర్వాత సినిమా రంగంలో ప్ర‌వేశించాల‌నే ఆలోచ‌న‌లో ఉన్నాడు. అన్నీ అనుకున్న‌ట్టు జ‌రిగితే మోక్ష‌జ్ఞ వ‌చ్చే సంవ‌త్స‌రం చివ‌రికి సినిమా రంగంలో ప్ర‌వేశిస్తాడు అని తెలిపారు. సో...బాల‌య్య క్లారిటీ ఇచ్చేసారు కాబ‌ట్టి మోక్ష‌జ్ఞ ఎంట్రీ వ‌చ్చే సంవ‌త్స‌రం ఖాయం..!