శాతకర్ణి ట్రైలర్ రిలీజ్ సీక్రెట్ బయటపెట్టిన బాలయ్య..!
- IndiaGlitz, [Friday,December 16 2016]
నంద‌మూరి న‌ట సింహం బాల‌కృష్ణ నటిస్తున్న 100వ చిత్రం గౌతమీపుత్ర శాతకర్ణి. ఈ భారీ చిత్రాన్ని జాగ‌ర్ల‌మూడి క్రిష్ తెర‌కెక్కించారు. ఫ‌స్ట్ ఫ్రేమ్ ఎంట‌ర్ టైన్మెంట్ బ్యాన‌ర్ పై రూపొందిన గౌతమీపుత్ర శాతకర్ణి థియేట్రికల్ ట్రైలర్ ను ఈరోజు సాయంత్రం కరీంనగర్ జిల్లా కోటిలింగాల‌లో రిలీజ్ చేయ‌నున్నారు.
ఈ సంద‌ర్భంగా కరీంనగర్ జిల్లా కోటిలింగాల‌కు చేరుకున్న బాలయ్య మీడియాతో మాట్లాడుతూ... గౌతమీపుత్ర శాతకర్ణి చిత్రం చాలా బాగా వ‌చ్చింది. భావిత‌రాల‌కు గౌతమీపుత్ర శాతకర్ణి చిత్రం ఒక పుస్త‌కంలా నిలుస్తుంది. తెలుగు వారి కీర్తిప్ర‌తిష్ట‌ల‌ను విశ్వ‌వ్యాప్తం చేసిన మ‌హారాజు గౌతమీపుత్ర శాతకర్ణి అని కొనియాడారు. థియేట్రికల్ ట్రైలర్ కోటిలింగాల‌లో రిలీజ్ చేయడానికి గ‌ల కార‌ణాన్ని చెబుతూ..శాత‌వాహ‌న సామ్రాజ్యానికి కోటిలింగాల ముఖ‌ద్వారం వంటిది. అందుక‌నే థియేట్రికల్ ట్రైలర్ ను ఇక్క‌డ రిలీజ్ చేస్తున్నాం అని తెలియ‌చేసారు.