ఆలోచనలో పడ్డ బాలయ్య...
- IndiaGlitz, [Tuesday,February 09 2016]
నంద‌మూరి న‌ట సింహం బాల‌కృష్ణ వందో సినిమాను సీనియ‌ర్ డైరెక్ట‌ర్ సింగీతం శ్రీనివాస‌రావు ద‌ర్శ‌క‌త్వంలో చేయ‌నున్న‌ట్టు ప్ర‌క‌టించిన విష‌యం తెలిసిందే. బాలయ్య, సింగీతం కాంబినేష‌న‌లో రూపొందిన ఆదిత్య 369 మూవీకి సీక్వెల్ గా ఆదిత్య 999 మూవీ ప్లాన్ చేసారు. బాలయ్య పుట్టిన‌రోజైన జూన్ 10న ఈ సినిమా ప్రారంభించ‌డానికి ప్లాన్ చేస్తున్న‌ట్టు వార్త‌లు కూడా వ‌చ్చాయి. అయితే బాల‌కృష్ణ వందో సినిమా ప్ర‌క‌టించ‌గానే...బాల‌య్య‌కు అభిమానుల నుంచి ఒత్త‌డి ఎక్కువైంద‌ట.
వందో సినిమా మాస్ మూవీ చేస్తే బాగుంటుంది అంటున్నార‌ట. అదీ కూడా యంగ్ డైరెక్ట‌ర్ తో అయితే ఇంకా బాగుంటుంద‌ని చెప్పార‌ట. దీంతో బాలయ్య ఆలోచనలో ప‌డ్డార‌ట. అభిమానుల కోరిక మేర‌కు వందో సినిమా మాస్ మూవీ చేసి...సింగీతంతో ప్లాన్ చేసిన ఆదిత్య 999 మూవీని 101 వ సినిమాగా చేస్తే ఎలా ఉంటుంద‌నే ఆలోచనలో ఉన్నార‌ట బాలయ్య. ఈ విష‌యం పై త్వ‌ర‌లోనే నిర్ణ‌యం తీసుకుంటార‌ట. మ‌రి...ఏ నిర్ణ‌యం తీసుకుంటారో చూడాలి.