బుల్లెట్ పై బాలయ్య..!
- IndiaGlitz, [Saturday,October 22 2016]
నంద‌మూరి న‌ట‌సింహం బాల‌కృష్ణ న‌టిస్తున్న తాజా చిత్రం గౌత‌మీపుత్ర శాత‌క‌ర్ణి. జాగ‌ర్ల‌మూడి క్రిష్ తెర‌కెక్కిస్తున్న గౌత‌మీపుత్ర శాత‌క‌ర్ణి చిత్రంలో న‌టిస్తునే బాలయ్య మ‌రో వైపు ఎమ్మెల్యేగా తన నియోజ‌క‌వ‌ర్గ అభివృద్ది ప‌నుల్లో పాల్గొంటున్నారు. అనంత‌పురం జిల్లా హిందూపురం ఎమ్మెల్యే బాల‌కృష్ణ నియోజ‌క‌వ‌ర్గంలో విస్తృతంగా ప‌ర్య‌టించారు.
ఈరోజు నియోజ‌క‌వ‌ర్గంలోని పాండురంగ న‌గ‌ర్ లో ఏర్పాటు చేసిన ఎన్టీఆర్ మునిసిప‌ల్ పార్క్ ను ఆయ‌న ప్రారంభించారు. ఈ పార్క్ లో ఏర్పాటు చేసిన ఎన్టీఆర్ విగ్ర‌హాన్ని ఆవిష్క‌రించి పాలాభిషేకం చేసారు. ఆత‌ర్వాత ఆటోన‌గ‌ర్ నుంచి బాలయ్య స్వ‌యంగా బైక్ న‌డుపుతూ బైక్ ర్యాలీతో కెరికెర బ‌స‌వ‌న‌ప‌ల్లిలోని ఉన్న‌త పాఠ‌శాలకు చేరుకున్నారు. ఈ ఆవ‌ర‌ణ‌లో 39 ల‌క్ష‌ల‌తో ఏర్పాటు చేసిన నూత‌న భ‌వ‌నాల్ని బాలయ్య ప్రారంభించారు.