మ‌ల‌యాళ సినిమా ‘అయ్య‌ప్ప‌నుమ్‌కోశియ‌మ్’ను తెలుగులో రీమేక్ చేస్తారని వార్తలు వినపడుతున్నాయి. తెలుగు సినిమా రీమేక్ హక్కులను సితార ఎంట‌ర్‌టైన్‌మెంట్స్ సంస్థ ద‌క్కించుకుంది. మ‌ల్టీస్టార‌ర్ మూవీని ఎవ‌రితో చేయాల‌నే దానిపై పెద్ద చ‌ర్చే జ‌రిగింది. ఇండ‌స్ట్రీ వ‌ర్గాల క‌థ‌నం మేర‌కు ఇప్పుడు రానా ద‌గ్గుబాటి ఈ సినిమాలో న‌టించ‌బోతున్నాడు. ఎప్పుడైతే రానా ఎంట్రీ ఇచ్చాడో అప్పుడు సురేశ్ ప్రొడ‌క్ష‌న్స్ నిర్మాణ భాగ‌స్వామిగా మారింది. మ‌రో హీరోగా నంద‌మూరి బాల‌కృష్ణ పేరు ప్ర‌ముఖంగా విన‌ప‌డింది.

కానీ తాజా స‌మాచారం మేర‌కు ఈ చిత్రంపై బాల‌కృష్ణ పెద్ద‌గా ఆస‌క్తి చూప‌డం లేద‌ని అంటున్నారు. అందుకు కార‌ణం సినిమా రీమేక్ కావ‌డం ఒక‌టైతే.. చేతినిండా ఇప్ప‌టికే సినిమాల‌తో బాల‌య్య క‌మిట్ అయ్యున్నాడు. దీంతో బాల‌య్య సున్నితంగా తిర‌స్కరించాడ‌ని టాక్‌. దీంతో మ‌రో హీరోను అన్వేషించే బాధ్య‌త‌ను నిర్మాత డి.సురేష్‌బాబు తీసుకున్నార‌ట‌. ఎప్పుడైతే డి.సురేశ్‌బాబు ఎంట్రీ ఇచ్చాడో ఇక వెంక‌టేశ్ న‌టిస్తాడ‌నే వార్త‌లు వినిపిస్తున్నాయి. ఎప్ప‌టి నుండో వెంక‌టేశ్‌, రానాతో సినిమా చేయాల‌నే సురేష్‌బాబు ఆలోచ‌న ఇలా తీర‌నుంద‌ని అంటున్నారు. ప్ర‌స్తుతం ‘నార‌ప్ప’ సినిమా చిత్రీక‌ర‌ణ‌లో బిజీగా ఉన్న వెంక‌టేశ్ వెంట‌నే మ‌రో రీమేక్‌కు ఓకే చెబుతారో లేదో చూడాలి.