తదుపరి 3 చిత్రాలను ఖరారు చేసిన బాలయ్య..
- IndiaGlitz, [Thursday,June 30 2016]
నంద‌మూరి న‌ట‌సింహం బాలయ్య న‌టిస్తున్న 100వ చిత్రం గౌత‌మీపుత్ర శాత‌క‌ర్ణి. ఈ చిత్రాన్నిజాగ‌ర్ల‌మూడి క్రిష్ తెర‌కెక్కిస్తున్నారు. అత్యంత ప్ర‌తిష్టాత్మ‌కంగా రూపొందిస్తున్న గౌత‌మీపుత్ర శాత‌క‌ర్ణి చిత్రాన్ని సంక్రాంతి కానుక‌గా రిలీజ్ చేయ‌డానికి ప్లాన్ చేస్తున్నారు. 100వ చిత్రం త‌ర్వాత 101 వ చిత్రంగా కృష్ణ‌వంశీ ద‌ర్శ‌క‌త్వంలో రైతు అనే టైటిల్ తో సినిమా చేయ‌నున్న‌ట్టు స్వ‌యంగా బాలయ్య ప్ర‌క‌టించిన విష‌యం తెలిసిందే.
100, 101 చిత్రాలే కాకుండా 102, 103 చిత్రాల‌కు కూడా క‌థ‌ల‌ను ఓకే చేసిన‌ట్టు స‌మాచారం. ఇంత‌కీ 102, 103 చిత్రాల వివ‌రాలు ఏమిటంటే... సింహ, లెజెండ్ చిత్రాలను తెర‌కెక్కించిన బోయ‌పాటి శ్రీను బాలయ్య కోసం ఓ క‌థ రెడీ చేసార‌ట. అలాగే యువ ద‌ర్శ‌కుడు అనిల్ ర‌విపూడి బాలయ్య కోసం రామారావు గారు అనే టైటిల్ తో ఓ క‌థ రెడీ చేసాడ‌ట. ఈ క‌థ‌ల‌కు కూడా బాలయ్య గ్రీన్ సిగ్న‌ల్ ఇచ్చిన‌ట్టు తెలుస్తుంది. గౌత‌మీపుత్ర శాత‌క‌ర్ణి చిత్రంతో సెంచ‌రీ పూర్తి చేస్తున్నా...బాలయ్య స్పీడు త‌గ్గించ‌కుండా మ‌రెంత పెంచ‌డం విశేషం.