బాల‌య్య మూవీ టీజ‌ర్ డేట్‌
- IndiaGlitz, [Saturday,September 28 2019]
న‌ట‌సింహ నంద‌మూరి బాల‌కృష్ణ హీరోగా కె.ఎస్‌.రవికుమార్ ద‌ర్శ‌క‌త్వంలో సి.క‌ల్యాణ్ నిర్మాత‌గా ఓ సినిమా రూపొందుతోన్న సంగ‌తి తెలిసిందే. ఈ చిత్రానికి 'రూల‌ర్' అనే టైటిల్ పరిశీల‌న‌లో ఉంది. ఈ సినిమా షూటింగ్ శ‌ర‌వేగంగా జ‌రుగుతుంది. ప్ర‌స్తుతం రామోజీ ఫిలింసిటీలో పాటను చిత్రీక‌రిస్తున్నారు. డిసెంబ‌ర్‌లో సినిమాను విడుద‌ల చేస్తార‌ని వార్త‌లు వినిపిస్తున్నాయి. లేటెస్ట్ స‌మాచారం మేర‌కు ఈ సినిమా టీజ‌ర్‌ను విజ‌య‌ద‌శ‌మి రోజున విడుద‌ల చేయాల‌ని దర్శ‌క నిర్మాత‌లు భావిస్తున్నార‌ట. ఒక ప‌క్క మాఫియా డాన్‌గా, మ‌రో ప‌క్క ప‌వ‌ర్‌పుల్ పోలీస్ ఆఫీస‌ర్‌గా బాల‌కృష్ణ ఈ చిత్రంలో న‌టిస్తున్నారు.
బాల‌కృష్ణ హీరోగా న‌టిస్తున్న చిత్ర‌మిది. ఇది వ‌ర‌కు బాల‌కృష్ణ, కె.ఎస్‌.రవికుమార్, సి.క‌ల్యాణ్ కాంబినేష‌న్‌లో జై సింహా సినిమా విడుద‌లై విజ‌యాన్ని సాధించింది. ఇప్పుడు అదే కాంబినేష‌న్‌లో రూపొందుతోన్న చిత్ర‌మిది. జ‌గ‌ప‌తిబాబు విల‌న్‌గా న‌టిస్తున్నాడు. భూమిక కీల‌క పాత్ర‌లో న‌టిస్తుంది. వేదిక, సోనాక్షి సిన్హా హీరోయిన్స్‌గా న‌టిస్తున్నారు. చిరంత‌న్ భ‌ట్ సంగీతం అందిస్తుండ‌గా, సి.రాంప్ర‌సాద్ సినిమాటోగ్ర‌ఫీ అందిస్తున్నారు.
ఈ సినిమా త‌ర్వాత బాల‌కృష్ణ త‌న 106 చిత్రాన్ని బోయపాటి శ్రీను ద‌ర్శ‌క‌త్వంలో చే్య‌బోతున్నాడు. మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నాడు. ఈ సినిమా న‌వంబ‌ర్ నుండి సెట్స్ పైకి వెళ్ల‌నుంది.