భారీ అంచనాలతో బాలయ్య హంటింగ్ షురూ.. అంతా అతడి చేతుల్లోనే!
- IndiaGlitz, [Thursday,June 10 2021]
నందమూరి బాలకృష్ణ నేడు 61వ బర్త్ డే సెలెబ్రేట్ చేసుకుంటున్నారు. ఈ సందర్భంగా అభిమానులకు వరుసగా సర్ ప్రైజ్ లో ఎదురవుతున్నాయి. అఖండ కొత్త పోస్టర్ తో బుధవారం సాయంత్రమే బర్త్ డే సెలెబ్రేషన్స్ షురూ అయ్యాయి. తాజాగా బాలయ్య 107వ చిత్రానికి ప్రకటన వచ్చింది.
ఇదీ చదవండి: ఇండస్ట్రీకి షాక్: ఘంటసాల కుమారుడు మృతి.. ఆయన ట్రాక్ రికార్డ్ తెలుసా!
ముందుగా అనుకుంటున్నట్లుగా గోపీచంద్ మలినేని దర్శకత్వంలో నటించేందుకు బాలయ్య రెడీ అయిపోయారు. భారీ చిత్రాల నిర్మాణ సంస్థ మైత్రి మూవీ మేకర్స్ ఈ చిత్రాన్ని నిర్మించనున్నారు. 'హంటింగ్ త్వరలోనే మొదలు కాబోతోంది' అంటూ ఓ అనౌన్స్మెంట్ వీడియో వదిలారు.
ఈ చిత్రానికి కూడా తమనే సంగీత దర్శకుడు. ప్రస్తుతం అఖండ చిత్రానికి తమన్ సంగీతం అందిస్తున్న సంగతి తెలిసిందే. గోపీచంద్, బాలయ్య చిత్రంపై ఇప్పటి నుంచే అంచనాలు మొదలైపోయాయి. గోపీచంద్ మలినేని క్రాక్ లాంటి బ్లాక్ బస్టర్ హిట్ తో కసిమీద ఉన్నాడు.
బాలయ్యని గోపీచంద్ మలినేని ఎంత పవర్ ఫుల్ గా చూపిస్తాడో అనే అభిమానుల్లో ఆసక్తి పెరుగుతోంది. అఖండ పూర్తి కాగానే ఈ చిత్ర షూటింగ్ షురూ అవుతుంది.