బాలకృష్ణతో క్రిష్ సినిమా..
- IndiaGlitz, [Monday,February 15 2016]
నంద‌మూరి న‌ట‌సింహం బాల‌కృష్ణ వందో సినిమా విష‌యంలో రోజుకో వార్త బ‌య‌ట‌కు వ‌స్తుంది. బాల‌కృష్ణ తో సింహ, లెజెండ్ చిత్రాల‌ను తెర‌కెక్కించిన బోయపాటి శ్రీనుతోనే బాల‌య్య వందో సినిమా ఉంటుంది అనుకున్నారు.
బాల‌య్య కూడా అలాగే ఫిక్స్ అయ్యారు. అయితే అనుకోకుండా బాల‌య్య వందో సినిమా ద‌ర్శ‌కుడు అంటూ సింగీతం శ్రీనివాస‌రావు పేరు వినిపించింది. ఆదిత్య 369 సీక్వెల్ ఆదిత్య 999 త‌న వందో సినిమా అని బాల‌య్య ప్ర‌క‌టించేసారు కూడా. ఇంత‌లో మళ్లీ ఆలోచ‌న‌లో ప‌డ్డారు బాల‌య్య. వందో సినిమా ఎప్ప‌టికీ మ‌ర‌చిపోలేని చిత్రంగా ఉండాల‌ని ఆలోచిస్తున్నారు. తాజాగా బాల‌య్య కోసం క్రిష్ ఓ హిస్టారిక‌ల్ స‌బ్జెక్ట్ రెడీ చేసాడ‌ట. ఇటీవ‌ల బాల‌య్య‌కు క్రిష్ క‌థ చెప్పిన‌ట్టు స‌మాచారం. ప్ర‌స్తుతం ఈ చిత్రానికి సంబంధించి క‌ధా చ‌ర్చ‌లు జ‌రుగుతున్నాయ‌ట. మ‌రి...బాల‌య్య వందో సినిమాను తెర‌కెక్కించే అవ‌కాశం ఎవ‌రికి ఇస్తారో చూడాలి.