నంద‌మూరి న‌ట సింహం బాల‌య్య... న‌ట వార‌సుడు మోక్ష‌జ్ఞ సినీరంగ ప్ర‌వేశం గురించి చాలా జాగ్ర‌త్త‌లు తీసుకుంటున్నార‌ట‌. మోక్ష‌జ్ఞ తొలి చిత్రంగా ఏ త‌ర‌హా చిత్రం చేస్తే బాగుంటుంది అనే విష‌యం పై బాల‌య్య స‌న్నిహితుల‌తో చ‌ర్చిస్తున్నార‌ట. అయితే... స‌న్నిహితులు చెప్పిన దానిని బ‌ట్టి మోక్ష‌జ్ఞ‌ తొలి చిత్రాన్ని భారీ ఫైటింగ్స్, ఛేజింగ్స్ తో కాకుండా కూల్ గా ఉండే యూత్ ఫుల్ ఎంట‌ర్ టైన‌ర్ చేయాల‌ని నిర్ణ‌యించుకున్న‌ట్టు స‌మాచారం.

ఇదిలా ఉంటే...నిన్న మోక్ష‌జ్ఞ పుట్టిన‌రోజు. ఇండ‌స్ట్రీ ప్ర‌ముఖులు, స‌న్నిహితులు మోక్ష‌జ్ఞకు పుట్టిన‌రోజు శుభాకాంక్ష‌లు తెలియ‌చేసార‌ట‌. దీనికి తోడు నిన్న సోష‌ల్ మీడియాలో మోక్ష‌జ్ఞ ట్రెండింగ్లో నిల‌వ‌డంతో ఈ విష‌యాన్ని తెలుసుకున్న బాల‌య్య చాలా సంతోషంగా ఉన్నార‌ట‌. బాల‌య్య వందో చిత్రంలో మోక్ష‌జ్ఞ స్పెష‌ల్ రోల్ చేస్తార‌ని ప్ర‌చారం జ‌రిగింది. మ‌రి...మోక్ష‌జ్ఞ స్పెష‌ల్ రోల్ పై బాల‌య్య ఏ నిర్ణ‌యం తీసుకుంటారో తెలియాల్సి వుంది..!