బాల‌కృష్ణ స్వ‌యంగా పిలుస్తున్నాడా?
- IndiaGlitz, [Tuesday,December 18 2018]
నంద‌మూరి బాల‌కృష్ణ టైటిల్ పాత్ర‌లో న‌టిస్తూ నిర్మిస్తున్న చిత్రం 'యన్.టి.ఆర్'. దివంగ‌త మాజీ ముఖ్య‌మంత్రి ఎన్టీఆర్ బ‌యోపిక్ ఆధారంగా రూపొందుతోన్న ఈ చిత్రం రెండు భాగాలుగా విడుద‌ల‌వుతుంది. అందులో తొలి భాగం 'యన్.టి.ఆర్ క‌థానాయ‌కుడు' జ‌న‌వ‌రి 9న విడుద‌ల‌వుతుంది. రెండో భాగం 'యన్.టి.ఆర్ మ‌హానాయ‌కుడు' ఫిబ్ర‌వ‌రి 7న విడుద‌ల‌య్యే అవ‌కాశాలున్నాయ‌ని స‌మాచారం.
కాగా.. ఎన్టీఆర్ ఆడియో, ట్రైల‌ర్‌ డిసెంబ‌ర్ 21న హైద‌రాబాద్ జె.ఆర్.సిలో విడుద‌ల‌వుతుంది. ఈ వేడుకకు భారీ సంఖ్య‌లో సినీ, రాజ‌కీయ ప్ర‌ముఖులు హాజ‌ర‌వుతున్నారు. ఇందులో కొంత మందిని బాల‌కృష్ణ స్వ‌యంగా ఆహ్వానిస్తున్నాడ‌ట. అంతే కాకుండా.. మ‌రికొంత మందికి బాల‌య్య స్వ‌యంగా ఫోన్ చేసి కూడా పిలుస్తున్నార‌ని ఇండ‌స్ట్రీలో టాక్‌.