బాలయ్యకు తృటిలో తప్పిన ప్రమాదం..
- IndiaGlitz, [Wednesday,June 29 2016]
నంద‌మూరి బాల‌కృష్ణ‌కు తృటిలో పెద్ద ప్రమాదం త‌ప్పింది. బాల‌య్య ఈరోజు అనంత‌పురం జిల్లా హిందూపూర్ నియోజ‌క‌వ‌ర్గంలోని చిల‌మ‌త్తూరు మండ‌లంలో వివిధ కార్య‌క్ర‌మాల్లో పాల్గొన్నారు. అనంత‌రం అక్కడ నుంచి జాతీయ ర‌హ‌దారి మీదుగా బెంగుళూరు అంత‌ర్జాతీయ విమానాశ్ర‌యానికి బ‌య‌లుదేరారు. అయితే...బాల‌య్య ప్ర‌యాణిస్తున్నకారు క‌ర్ణాట‌క‌లోని బాగేప‌ల్లి స‌మీపంలోని చుండూరు ద‌గ్గ‌ర‌కు రాగానే ఎదురుగా వ‌స్తున్న వాహ‌నాన్ని త‌ప్పించ‌బోయి డివైడ‌ర్ ను ఢీ కొట్టింది. ఈ ప్ర‌మాదంలో బాల‌య్య ఎలాంటి గాయాలు లేకుండానే సుర‌క్షితంగా బ‌య‌ట‌ప‌డ్డారు. ఆ టైమ్ లో బాల‌య్య స్వ‌యంగా కారు న‌డుపుతున్నార‌ని..ఆ కారులో ఐదుగురు ప్ర‌యాణిస్తున్నారని పోలీసులు తెలిపారు. డిఎస్పీ సుబ్బారావు మ‌రో వాహ‌నంలో బాల‌య్య‌ను బెంగుళూరుకు పంపించారు.