హేమమాలినికి గిప్ట్ ఇచ్చిన బాలయ్య..!
- IndiaGlitz, [Saturday,September 03 2016]
నంద‌మూరి న‌టసింహం బాల‌కృష్ణ న‌టిస్తున్న 100వ చిత్రం గౌత‌మీపుత్ర శాత‌క‌ర్ణి. ఈ చిత్రాన్ని ఫ‌స్ట్ ఫ్రేమ్ ఎంట‌ర్ టైన్మెంట్స్ బ్యాన‌ర్ పై రాజీవ్ రెడ్డి, జాగ‌ర్ల‌మూడి క్రిష్ సంయుక్తంగా నిర్మిస్తున్నారు. ఈ చిత్రంలో బాలయ్య భార్య‌గా శ్రియ న‌టిస్తుంటే, త‌ల్లిగా హేమ‌మాలిని న‌టిస్తుంది. ప్ర‌స్తుతం మ‌ధ్య‌ప్ర‌దేశ్ లో బాలయ్య, శ్రియ, హేమ‌మాలిని త‌దిత‌రుల పై కీల‌క స‌న్నివేశాల‌ను చిత్రీక‌రిస్తున్నారు.
ఇదిలా ఉంటే....మ‌ధ్య‌ప్ర‌దేశ్ లో షూటింగ్ మొద‌టి రోజున బాలయ్య, హేమమాలినికి లేపాక్షిలో నేసిన చీర‌ను గిఫ్ట్ గా ఇచ్చి స‌ర్ ఫ్రైజ్ చేసార‌ని స‌మాచారం. బాలయ్య ఇచ్చిన స‌ర్ ఫ్రైజ్ గిప్ట్ చూసి హేమ‌మాలిని థ్రిల్ అయ్యార‌ట. కీ.శే ఎన్టీఆర్ తో క‌లిసి న‌టించిన రోజుల‌ను గుర్తు చేసుకున్నార‌ట. తెలుగులో హేమ‌మాలిని ఎన్టీఆర్ తో క‌లిసి పాండ‌వ వ‌న‌వాసం, శ్రీకృష్ణ విజ‌యం చిత్రాల్లో న‌టించారు. దాదాపు ఐదు ద‌శాబ్దాల త‌ర్వాత హేమ‌మాలిని తెలుగులో గౌత‌మీపుత్ర శాత‌క‌ర్ణి చిత్రంలో న‌టిస్తుండ‌డం విశేషం. అత్యంత ప్ర‌తిష్టాత్మ‌కంగా రూపొందిస్తున్న గౌత‌మీపుత్ర శాత‌క‌ర్ణి చిత్రాన్ని సంక్రాంతి కానుక‌గా జ‌న‌వ‌రిలో రిలీజ్ చేయ‌నున్నారు.