నందమూరి బాలకృష్ణ 100వ చిత్రం గౌతమీ పుత్ర శాతకర్ణి ప్రీ ప్రొడక్షన్ పనులు జరుపుకుంటుంది. గమ్యం, వేదం, కృష్ణం వందే జగద్గురమ్, రీసెంట్ గా జాతీయ ప్రాంతీయ ఉత్తమ చిత్రం అవార్డు గెలుచుకున్న కంచె వంటి విలక్షణ చిత్రాలను డైరెక్ట్ చేసిన జాగర్లమూరి క్రిష్ తన స్వంత బ్యానర్ ఫస్ట్ ఫ్రేమ్ ఎంటర్ టైన్మెంట్స్ పై వై. రాజీవ్ రెడ్డి, జె.సాయిబాబు ఈ చిత్రాన్ని నిర్మిస్తున్నారు. హిస్టారికల్ నేపథ్యంలో తెరకెక్కుతోన్న ఈ చిత్రంపై భారీ అంచనాలు నెలకొన్నాయి.

రీసెంట్ గా ఓ ఇంటర్వ్యూలో సినిమా గురించి మాట్లాడిన క్రిష్ ఈ కథను తాను ఎంచుకోలేదని, కథే తనను సెలక్ట్ చేసుకుందని అన్నారు. అంతే కాకుండా కమర్షియల్ ఎలిమెంట్స్ మేళవింపుతో 50-60 కోట్ల బడ్జెట్ తో సినిమా రూపొందనుంది. బాహుబలి సినిమా చూసిన ప్రేక్షకులు తన చిత్రం కూడా చూడాలి కాబట్టి సినిమాను విజువల్ గ్రాండ్ గా తెరకెక్కిస్తానని చెప్పుకొచ్చాడు.