`య‌న్టీఆర్‌` బ‌యోపిక్ త‌రువాత స్వ‌ల్ప విరామం తీసుకున్న న‌ట‌సింహ నంద‌మూరి బాల‌కృష్ణ‌... ప్ర‌స్తుతం ఓ యాక్ష‌న్ ఎంట‌ర్‌టైన‌ర్ చేస్తున్న సంగ‌తి తెలిసిందే. `జై సింహా` త‌రువాత ద‌ర్శ‌కుడు కె.య‌స్‌.ర‌వికుమార్‌, నిర్మాత సి.క‌ళ్యాణ్‌, సంగీత ద‌ర్శ‌కుడు చిరంత‌న్ భ‌ట్ కాంబినేష‌న్‌లో బాల‌య్య ఈ సినిమా చేస్తున్నాడు. సోనాల్ చౌహాన్, వేదిక నాయిక‌లుగా న‌టిస్తున్న ఈ చిత్రంలో భూమిక‌, జ‌య‌సుధ‌, ప్ర‌కాశ్ రాజ్ కీల‌క పాత్ర‌ల్లో న‌టిస్తున్నారు.

ఇదిలా ఉంటే... య‌న్‌.బి.కె. 105గా తెర‌కెక్కుతున్న ఈ క్రేజీ ప్రాజెక్ట్‌కి సంబంధించి చిత్ర నిర్మాత సి.క‌ళ్యాణ్ ప‌లు ఆస‌క్తిక‌ర‌మైన విష‌యాలు తెలియజేశారు. ఇప్ప‌టివ‌ర‌కు జ‌రిగిన 52 రోజుల షూటింగ్‌లో మూడు పాట‌లు, మూడు ఫైట్ల‌తో పాటు మేజ‌ర్ పార్ట్ టాకీ పూర్త‌య్యింద‌ని సి.క‌ళ్యాణ్ తెలిపారు. అలాగే మ‌రో 45 రోజుల పాటు జ‌రిగే చిత్రీక‌ర‌ణ‌తో సినిమా మొత్తం పూర్త‌వుతుంద‌ని... కొత్త షెడ్యూల్ ఈ నెల 14న బీహార్‌, మ‌ధ్య‌ప్ర‌దేశ్ ప‌రిస‌ర ప్రాంతాల్లో జ‌రుగుతుంద‌ని అన్నారు. ఇక ఈ చిత్రం విడుద‌ల తేదీపై కూడా ఆయ‌న క్లారిటీ ఇచ్చారు. క్రిస్మ‌స్ కానుక‌గా డిసెంబ‌ర్ 20న ఈ క్రేజీ ప్రాజెక్ట్‌ని విడుద‌ల చేస్తున్నట్లు సి.క‌ళ్యాణ్ ప్ర‌క‌టించారు.

పోలీస్ ఆఫీస‌ర్‌గానూ, గ్యాంగ్‌స్ట‌ర్‌గానూ రెండు షేడ్స్ ఉన్న పాత్ర‌లో బాల‌య్య న‌టిస్తున్న ఈ ప‌వ‌ర్ ప్యాక్డ్ యాక్ష‌న్ ఎంట‌ర్‌టైన‌ర్‌... అభిమానుల‌ను ఏ స్థాయిలో మురిపిస్తుందో చూడాలి మ‌రి.