బాల‌కృష్ణ ద్విపాత్రాభిన‌యం
- IndiaGlitz, [Monday,April 29 2019]
నంద‌మూరి బాల‌కృష్ణ త‌న త‌దుప‌రి సినిమాకు స‌న్నాహాలు చేసుకుంటున్నారు. నిజానికి బాల‌కృష్ణ, బోయ‌పాటి కాంబినేష‌న్‌లో సినిమా రూపొందాల్సి ఉంది. కానీ బోయ‌పాటి స్క్రిప్ట్ ఇంకా సిద్ధం చేయ‌లేదు. స‌మ‌యం ప‌ట్టేలా ఉంది. వీరి కాంబినేష‌న్‌లో హ్యాట్రిక్ మూవీ ఆగ‌స్ట్ లేదా సెప్టెంబ‌ర్‌లో ప్రారంభం కావచ్చున‌ని అంటున్నారు
అయితే ఈలోపు బాలయ్య సి.క‌ల్యాణ్ నిర్మాణంలో కె.ఎస్‌.ర‌వికుమార్ దర్శకత్వంలో ఓ సినిమాను పూర్తి చేయాల‌నుకుంటున్నార‌ట. ఈ సినిమా వ‌చ్చే నెల‌లోనే ప్రారంభ‌మ‌య్యే అవ‌కాశాలున్నాయి. ఈ చిత్రంలో బాల‌కృష్ణ ద్విపాత్రాభిన‌యం చేస్తున్నార‌ని ఫిలింన‌గ‌ర్‌లో వార్త‌లు విన‌ప‌డుతున్నాయి. జైసింహా త‌ర్వాత వీరి కాంబినేష‌న్‌లో రాబోయే చిత్ర‌మిదే.