త‌న 100వ చిత్రం గౌత‌మిపుత్ర శాత‌క‌ర్ణితో ఇటు ప్రేక్ష‌కులు, అటు విమ‌ర్శ‌కుల నుండి ప్ర‌శంస‌లు అందుకున్న నంద‌మూరి బాల‌కృష్ణ 101 వ చిత్రంపై సందిగ్ధం నెల‌కొంది. ముందు బాల‌య్య 101వ సినిమాగా కృష్ణ వంశీ ద‌ర్శ‌క‌త్వంలో ` రైతు` తెర‌కెక్కుతోంద‌ని న్యూస్ వ‌చ్చింది. అందులో అమితాబ్ న‌టిస్తార‌ని కూడా అన్నారు. అయితే సెకండాఫ్ న‌చ్చ‌లేద‌ని, అల్రెడి విడుద‌లైన ఖైదీ ఫార్మేట్‌లోనే సినిమా ఉందని అందుకే బాల‌య్య ఆస‌క్తి చూప‌లేద‌ని వార్త‌లు వ‌చ్చాయి.

మ‌రోవైపు ల‌య‌న్ డైరెక్ట‌ర్ స‌త్య‌దేవ ద‌ర్శ‌క‌త్వంలో సార్వ‌భౌమ అనే సినిమా వ‌చ్చే అవకాశాలున్నాయని న్యూస్ వ‌చ్చింది. అయితే త‌మిళ సీనియ‌ర్ డైరెక్ట‌ర్ కె.ఎస్‌.ర‌వికుమార్ కూడా బాల‌య్య‌కు క‌థ‌ను వినిపించాడు. పూరి జ‌గ‌న్నాథ్ ద‌ర్శ‌క‌త్వంలో కూడా బాల‌య్య సినిమా ఉంటుంద‌ని వార్త‌లు వినిపించాయి. ఇన్నింటి నేప‌థ్యంలో బాల‌కృష్ణ త‌న 101వ సినిమా డైరెక్ట‌ర్‌గా కె.ఎస్‌.ర‌వికుమార్ వైపుకే మొగ్గు చూపుతున్నాడ‌ని..దాదాపు ప‌క్కా అయ్యింద‌ని కూడా అంటున్నారు. ఈ సినిమాను సి.క‌ళ్యాణ్ నిర్మిస్తాడ‌ని టాక్ విన‌ప‌డుతుంది. త్వ‌ర‌లోనే బాల‌కృష్ణ త‌న 101 సినిమా గురించి అనౌన్స్ చేసేయ‌వ‌చ్చున‌ట‌.