42 ఏళ్లు పూర్తి చేసుకున్న బాలయ్య..!
- IndiaGlitz, [Tuesday,August 30 2016]
నంద‌మూరి న‌ట సింహం బాలయ్య 42 ఏళ్లు పూర్తి చేసుకోవ‌డం ఏమిటి అనుకుంటున్నారా..? న‌ట‌ర‌త్న నంద‌మూరి ఎన్టీఆర్ స్వీయ దర్శకత్వంలో రూపొందిన చిత్రం తాత‌మ్మ‌క‌ల. ఈ చిత్రంలో ఎన్టీఆర్, భాన‌మ‌తి న‌టించారు. ఈ చిత్రం ద్వారా బాల‌న‌టుడుగా బాల‌కృష్ణ సినిమా రంగంలో ప్ర‌వేశించారు. తాత‌మ్మ‌క‌ల రిలీజై 42 ఏళ్లు పూర్త‌య్యింది. అంటే...బాలయ్య సినీ ప్ర‌స్ధానం ప్రారంభించి 42 ఏళ్లు అయ్యింది.
తాత‌మ్మ‌క‌ల ఆత‌ర్వాత బాలయ్య అన్న‌ద‌మ్ముల అనుబంధం, వేముల‌వాడ భీమ‌క‌వి, దాన‌వీర‌శూర‌క‌ర్ణ, అక్బ‌ర్ స‌లీం అనార్క‌లి త‌దిత‌ర చిత్రాల్లో న‌టించారు. పౌరాణిక, జాన‌ప‌ద, సాంఘిక చిత్రాల్లో వైవిధ్య‌మైన పాత్ర‌లు పోషించి తండ్రికి త‌గ్గ త‌న‌యుడుగా సుస్ధిర స్ధానం సంపాదించుకున్నారు. ప్ర‌స్తుతం త‌న కెరీర్ లో అత్యంత ప్ర‌తిష్టాత్మ‌క‌మైన 100వ చిత్రం గౌత‌మీపుత్ర శాత‌క‌ర్ణి చిత్రంలో న‌టిస్తున్నారు. జాగ‌ర్ల‌మూడి క్రిష్ ఈ చిత్రాన్ని తెర‌కెక్కిస్తున్నాడు. బాలయ్య స‌ర‌స‌న అందాల తార శ్రియ న‌టిస్తుంది.
ప్ర‌స్తుతం మ‌ధ్య‌ప్ర‌దేశ్ లో ఈ చిత్రం షూటింగ్ జ‌రుపుకుంటుంది. ఈ భారీ చిత్రాన్ని సంక్రాంతి కానుక‌గా రిలీజ్ చేయ‌డానికి ప్లాన్ చేస్తున్నారు. 42 ఏళ్ల సుదీర్ఘ న‌ట‌ప్ర‌స్ధానంలో ఎన్నో అద్భుత విజ‌యాలు సొంతం చేసుకున్న బాలయ్య 100వ చిత్రం గౌత‌మీపుత్ర శాత‌క‌ర్ణి చిత్రంతో కూడా అద్భుత విజ‌యం సాధించాల‌ని కోరుకుంటూ కంగ్రాట్స్ & ఆల్ ది బెస్ట్ టు బాలయ్య..!