కల్యాణ్ కోసం బాబాయ్.. తమ్ముడు
- IndiaGlitz, [Sunday,February 24 2019]
నందమూరి కల్యాణ్ రామ్ హీరోగా కె.వి.గుహ‌న్ ద‌ర్శ‌క‌త్వంలో చేసిన సినిమా '118'. ఈ సినిమా ప్రీ రిలీజ్ వేడుక ఈ నెల 25న జ‌ర‌గ‌నుంది. దీని కోసం బాబాయ్ నందమూరి బాల‌కృష్ణ, సోద‌రుడు ఎన్టీఆర్ ముఖ్య అతిథులుగా హాజ‌ర‌వుతున్నారు.
నందమూరి కుటుంబానికి చెందిన ముగ్గురు హీరోలు ఓ వేదిక‌పై ఉండ‌టం అభిమానులకు ఎంత ఉత్సాహాన్నిస్తుంద‌న‌డంలో సందేహం లేదు. హ‌రికృష్ణ మ‌ర‌ణం త‌ర్వాత కల్యాణ్ రామ్, ఎన్టీఆర్‌కు బాల‌య్య ద‌గ్గ‌ర‌య్యారు.
ఎన్టీఆర్ అర‌విందస‌మేత చిత్ర స‌క్సెస్ మీట్‌కు బాల‌కృష్ణ ముఖ్య అతిథిగా హాజ‌రైన సంగ‌తి తెలిసిందే. ఇప్పుడు కల్యాణ్ రామ్‌కోసం బాల‌య్య ముఖ్య అతిథిగా వ‌స్తున్నారు. ఈ '118' సినిమా మార్చి 1న విడుద‌ల కానుంది.