బాలయ్య 'అఖండ' పోస్టర్: మెలితిరిగిన మీసం.. రాజసం ఉట్టిపడే నడక
- IndiaGlitz, [Wednesday,June 09 2021]
నందమూరి బాలకృష్ణ బర్త్ డే సెలబ్రేషన్స్ కాస్త ముందుగానే ప్రారంభం అయ్యాయి. బాలయ్య రేపటితో అంటే జూన్ 10న 61వ వసంతంలోకి అడుగుపెడుతున్నారు. బాలయ్య జన్మదినం సందర్భంగా 'అఖండ' చిత్ర యూనిట్ నేడు కొత్త పోస్టర్ లాంచ్ చేసింది.
ఇదీ చదవండి: కిస్ సీన్ లో నటిస్తే అలాగే ఫీల్ కావాలి.. హీరోయిన్ కామెంట్స్
ఈ పోస్టర్ లో బాలయ్య రాజసం ఉట్టిపడేలా యమ దర్జాగా కనిపిస్తున్నాడు. మెలితిరిగిన మీసం, పెదవులపై చిరునవ్వు, వాకింగ్ స్టైల్ అదరహో అనిపించేలా ఉన్నాయి. బాలయ్యకు జన్మదిన శుభాకాంక్షలు తెలియజేస్తూ చిత్ర యూనిట్ ఈ పోస్టర్ రిలీజ్ చేసింది.
పోస్టర్ రిలీజ్ అయిన వెంటనే అభిమానులు సోషల్ మీడియాలో ట్రెండింగ్ మొదలు పెట్టారు. బాలయ్య, బోయపాటి కాంబినేషన్ అంటే అభిమానులకు పండగే. సింహా, లెజెండ్ చిత్రాలు ఏ స్థాయి విజయం సాధించాయో అందరికీ తెలిసిందే.
ఈ చిత్రంలో బాలయ్య సరసన ప్రగ్యా జైస్వాల్ హీరోయిన్ గా నటిస్తోంది. తమన్ సంగీత దర్శకుడు. ద్వారక క్రియేషన్స్ బ్యానర్ పై మిర్యాల రవీందర్ రెడ్డి ఈ చిత్రాన్ని నిర్మిస్తున్నారు.
తన పుట్టినరోజు నాడు తనని కలుసుకునేందుకు రావద్దని, ప్రస్తుత పరిస్థితుల దృష్ట్యా అభిమానులంతా ఇంట్లోనే ఉండాలని బాలయ్య ఇటీవల ప్రకటన చేసిన సంగతి తెలిసిందే. బాలయ్య బర్త్ డే కానుకగా తదుపరి చిత్రాలకు కూడా ప్రకటన వచ్చే అవకాశాలు ఉన్నాయి.