ఉగ్రవాదం ప్రపంచానికే శత్రువు - బాలకృష్ణ
- IndiaGlitz, [Monday,October 03 2016]
ఉగ్ర‌వాద చొర‌బాటు శిబిరాల‌పై మెరుపుదాడులు చేసి విజ‌యం సాధించిన భారత సైన్యానికి దేశం యావ‌త్తు జై కొడుతుంది. శాంతికి విఘూతం క‌లిగించే అన్ని శ‌క్తుల‌ను తిప్పికొట్ట‌గ‌ల స‌త్తా భార‌త్ కు ఉంది అంటూ ప‌లువురు రాజ‌కీయ నాయ‌క‌లు ప్ర‌శంసించిన విష‌యం తెలిసిందే. తాజాగా సీనియ‌ర్ హీరో, హిందూపురం ఎమ్మెల్యే నంద‌మూరి బాలకృష్ణ ఈ విష‌యం పై స్పందించారు.
హైద‌రాబాద్ లో బాలకృష్ణ ఈ విష‌యం పై మాట్లాడుతూ.... ఉగ్ర‌వాదులు హ‌ద్దు మీరితే ప్ర‌జ‌లు స‌హించ‌రు. ఉగ్ర‌వాదాన్ని తీవ్రంగా ఖండిస్తున్నాను. ర‌క్తానికి జాతి, మాంసానికి మ‌తం, చ‌ర్మానికి కులం లేదు. ప్ర‌జాస్వామ్యాన్ని గౌర‌వించే మ‌న దేశంలో ప్ర‌జ‌ల‌కు ఓపిక ఉంది. అయినా దేనికైనా ఓ హ‌ద్దు ఉంటుంది. ఉగ్రవాదం ప్ర‌పంచానికి శ‌త్రువుగా మారింది. ఉగ్ర‌వాదులు మాట విన‌క‌పోతే త‌గిన విధంగా బుద్ది చెబుతాం అన్నారు