ప్రొద్దుటూరులో ఒకే టికెట్ పై బాలయ్య 99 సినిమాలు..!
- IndiaGlitz, [Friday,October 14 2016]
ఒకే టికెట్ పై బాలయ్య 99 సినిమాలు చూపించ‌డం అనేది ప్రొద్దుటూరు సినీ చ‌రిత్ర‌లోనే కాకుండా తెలుగు సినిమా చ‌రిత్ర‌లోనే మొట్ట‌మొద‌టి సారిగా ఓ స‌రికొత్త ప్ర‌యోగం..! నందమూరి న‌ట‌సింహం బాల‌కృష్ణ న‌టించిన 99 సినిమాల‌ను చూసే అద్భుత అవ‌కాశం ప్రొద్దుటూరు సినీ ప్రేక్ష‌కుల‌కు మాత్ర‌మే ద‌క్కినందుకు చాలా గ‌ర్వంగా ఉంది అంటూ ప్రొద్దుటూరు బాలయ్య అభిమానులు సంతోషం వ్య‌క్తం చేస్తున్నారు.
నందమూరి బాల‌కృష్ణ న‌ట ప్ర‌స్ధానంలో వందో మైలురాయి ని చేరుకోబోతున్న శుభ సంద‌ర్భాన్ని పుర‌ష్క‌రించుకుని ఆయ‌న న‌టించిన 99 చిత్రాలు ప్ర‌తి రోజూ ఒక్కొక్క సినిమా చొప్పున ప్రొద్దుటూరు అర్చ‌న థియేట‌ర్ లో ప్ర‌ద‌ర్శించ‌నున్నారు. ఈనెల 16 నుంచి బాలయ్య సినిమాల ప్ర‌ద‌ర్శ‌న ప్రారంభించ‌నున్నారు. ఇందుకు గాను కేవలం 100 రూ మాత్ర‌మే చెల్లిస్తే చాలు..! బాలయ్య 99 సినిమాలు చూసే అవ‌కాశం క‌ల్పిస్తున్నారు. 99 చిత్రాలు చూసేవారికి ప్ర‌తి షోకి ఒక్కొక్క‌రికి ఒక ల‌క్కీకూప‌న్ ఉచితంగా ఇస్తారు. చివ‌రి రోజు ల‌క్కీడిప్ ద్వారా గెలుపొందిన విజేత‌కు నందమూరి బాల‌కృష్ణ చేతుల మీదుగా బ‌హుమ‌తి అందుకునే సువ‌ర్ణావ‌కాశం క‌ల్పిస్తుండ‌డం విశేషం...!