హీరోయిజాన్ని డిప‌రెంట్‌గా తెర‌కెక్కించే డైరెక్ట‌ర్ పూరి జ‌గ‌న్నాథ్ ఇప్పుడు నంద‌మూరి బాల‌కృష్ణ 101వ చిత్రాన్ని తెర‌కెక్కిస్తున్నాడు. భ‌వ్య క్రియేష‌న్స్ బ్యాన‌ర్‌పై వి.ఆనంద్ ప్ర‌సాద్ నిర్మిస్తున్న ఈ సినిమాలో శ్రియాశ‌ర‌న్‌, ముస్కాన్‌లు హీరోయిన్స్‌గా న‌టిస్తున్నారు.

ప్ర‌స్తుతం సినిమా చిత్రీక‌ర‌ణ ద‌శ‌లో ఉంది. నెక్ట్స్ షెడ్యూల్ కోసం బాల‌య్య‌, పూరి స‌హా యూనిట్ అంతా పోర్చుగ‌ల్‌కు వెళుతుంది. మే 10న యూనిట్ పోర్చుగ‌ల్‌కు ప‌య‌న‌మ‌వుతుంది. 40 రోజుల పాటు చిత్రీక‌ర‌ణ అక్క‌డే జ‌రుగుతుంద‌ట‌. సెప్టెంబ‌ర్ 29న సినిమాను విడుద‌ల చేయ‌నున్నారు. లెట‌స్ట్ న్యూస్ ప్ర‌కారం ఇంకా టైటిల్ పెట్టని ఈ సినిమా శాటిలైట్ హ‌క్కుల‌ను జెమిని టీవీ 9 కోట్ల రూపాయ‌ల‌కు చేజ‌క్కించుకుంద‌ని స‌మాచారం.