బాలయ్య వందో చిత్రానికి ముహుర్తం ఫిక్స్..
- IndiaGlitz, [Tuesday,November 24 2015]
నంద‌మూరి న‌ట సింహం బాల‌క్రిష్ణ న‌టిస్తున్న 99వ చిత్రం డిక్టేట‌ర్. ఈ చిత్రాన్ని శ్రీవాస్ తెర‌కెక్కిస్తున్నారు. ఈరోస్ ఇంట‌ర్నేష‌న‌ల్ సంస్థ, డైరెక్ట‌ర్ శ్రీవాస్ తో క‌ల‌సి ఈ చిత్రాన్నినిర్మిస్తుండ‌డం విశేషం. ఈ చిత్రాన్ని సంక్రాంతి కానుకగా జ‌న‌వ‌రి 14న రిలీజ్ చేయ‌డానికి ప్లాన్ చేస్తున్నారు. ఇక బాలయ్య కెరీర్ లో ఎప్ప‌టికీ మ‌ర‌చిపోలేని చిత్రంగా నిలిచే వందో చిత్రాన్ని అత్యంత ప్ర‌తిష్టాత్మ‌కంగా రూపొందించ‌డానికి ప‌క్కా ప్లాన్ రెడీ అవుతోంది. ఈ క్రేజీ మూవీకి బాల‌య్య‌తో సింహా, లెజెండ్ చిత్రాల‌ను అందించిన బోయ‌పాటి శ్రీను ద‌ర్శ‌క‌త్వం వ‌హించ‌నున్నారు. ప్ర‌స్తుతం బోయ‌పాటి శ్రీను అల్లు అర్జున్ హీరోగా స‌రైనోడు సినిమాని తెర‌కెక్కిస్తున్నాడు. ఈ చిత్రం ఏప్రిల్ లో రిలీజ్ అవుతుంది. ఏప్రిల్ నుంచి బోయ‌పాటి..బాలయ్య వందో చిత్రానికి సంబంధించిన వ‌ర్క్ స్టార్ట్ చేయ‌నున్నారు. బాలయ్య పుట్టిన‌రోజు కానుకగా జూన్ 10న బాలయ్య వందో సినిమాని భారీ స్ధాయిలో ప్రారంభించ‌నున్నార‌ని స‌మాచారం.