బాలయ్య వందో సినిమా లేటెస్ట్ న్యూస్...
- IndiaGlitz, [Tuesday,March 01 2016]
నందమూరి న‌ట సింహం బాల‌కృష్ణ వందో సినిమా డైరెక్టర్ ఎవ‌రు అనే విష‌యం పై గ‌త కొన్ని రోజులుగా వార్త‌లు వ‌స్తున్నవిష‌యం తెలిసిందే.అయితే క్రియేటివ్ డైరెక్టర్ కృష్ణ‌వంశీకి బాలయ్య గ్రీన్ సిగ్న‌ల్ ఇచ్చార‌ట. ప్ర‌స్తుతం కృష్ణ‌వంశీ ఈ సినిమాకి సంబంధించి ప్రీ ప్రొడ‌క్ష‌న్ వ‌ర్క్ ప్రారంభించారు. ఇటీవ‌ల బాల‌య్య‌ను కృష్ణ‌వంశీ లేపాక్షి ఉత్స‌వాల్లో కూడా క‌ల‌సి ఈ సినిమా గురించి చ‌ర్చించార‌ట.
ఇక ఈ సినిమాకి సంబంధించి లేటెస్ట్ న్యూస్ ఏమిటంటే....ఈ క్రేజీ మూవీలో నందమూరి హీరో తార‌క‌ర‌త్న ఓ పాత్ర పోషిస్తున్నాడ‌ట. అలాగే నారా వారి హీరో నారా రోహిత్ కూడా ఓ పాత్ర పోషిస్తున్న‌ట్టు స‌మాచారం. అలాగే బాలయ్య వందో సినిమాలో బాలయ్య వార‌సుడు మోక్ష‌జ్న న‌టిస్తాడ‌ని గ‌త కొన్ని రోజులుగా ప్ర‌చారం జ‌రుగుతుంది. సో...మోక్ష‌జ్న కూడా ఈ చిత్రంలో న‌టించ‌వ‌చ్చు. ఎంతో ప్ర‌తిష్టాత్మ‌కంగా రూపొందే ఈ చిత్రం గురించి పూర్తి వివ‌రాల‌ను త్వ‌ర‌లో అఫిషియ‌ల్ గా ఎనౌన్స్ చేయ‌నున్న‌ట్టు స‌మాచారం.