సాధార‌ణంగా త‌నకి క‌లిసొచ్చిన లేదంటే స‌న్నిహితం ఉన్న‌ సంగీత ద‌ర్శ‌కుడుతో మ‌రో సినిమా చేయ‌డం ద‌ర్శ‌కుల‌కుండే అల‌వాటు. అయితే ఇందుకు విరుద్దంగా ఉన్నారు టాలెంటెడ్ డైరెక్ట‌ర్ క్రిష్‌. 'గ‌మ్యం'తో ద‌ర్శ‌కుడుగా అడుగులేసిన క్రిష్ త‌న ప్ర‌తి తెలుగు సినిమాకి సంగీత ద‌ర్శ‌కుడుని మారుస్తూ వ‌స్తున్నారు. అలాగ‌ని వారితో రాపో లేద‌నుకుంటే పొర‌పాటే.

'గ‌మ్యం' కోసం ఇ.ఎస్‌.మూర్తి, అనిల్ వంటి సంగీత ద‌ర్శ‌కుల‌తో ప‌నిచేసిన క్రిష్‌.. రెండో చిత్రం 'వేదం' కోసం స్వ‌ర‌వాణి కీర‌వాణితో క‌లిసి ప‌నిచేశారు. ఇక మూడో తెలుగు చిత్రం 'కృష్ణం వందే జ‌గ‌ద్గురుమ్' కోసం స్వ‌ర‌బ్ర‌హ్మ మ‌ణిశ‌ర్మ‌తో మ్యూజిక్ చేయించుకున్నారు. జాతీయ స్థాయిలో ఉత్త‌మ ప్రాంతీయ చిత్రంగా నిలిచిన త‌న నాలుగో తెలుగు చిత్రం 'కంచె' కోసం చిత‌రంత‌న్ భ‌ట్‌తో స్వ‌రాలు చేయించుకున్నారు. ఈ నేప‌థ్యంలోనే బాల‌కృష్ణ‌తో క్రిష్ చేయ‌నున్న కొత్త తెలుగు సినిమాకి దేవిశ్రీ ప్ర‌సాద్ పేరు వినిపించ‌నుండడం చూస్తే.. క్రిష్‌కి సినిమాకో మ్యూజిక్ డైరెక్ట‌ర్ కావాలేమో అనిపిస్తుందంటున్నారు ప‌రిశీల‌కులు.