రేపే బాల‌య్య వందో సినిమా ప్ర‌క‌ట‌న..
- IndiaGlitz, [Thursday,April 07 2016]
నంద‌మూరి న‌ట‌సింహం బాల‌కృష్ణ వందో సినిమాకి సంబంధించిన పూర్తి వివ‌రాల‌ను ఉగాది రోజున అనగా రేపు ప్ర‌క‌టించ‌నున్నారు. అభిరుచి గ‌ల ద‌ర్శ‌కుడు క్రిష్ ఈ చిత్రాన్ని తెర‌కెక్కించ‌నున్నారు. ఈ భారీ చిత్రాన్ని క్రిష్ ఫ‌స్ట్ ఫ్రేమ్ ఎంట‌ర్ టైన్మెంట్స్ బ్యాన‌ర్ పై నిర్మిస్తుండ‌డం విశేషం. చారిత్రాత్మ‌క క‌థాంశమైన గౌత‌మి పుత్ర శాత‌క‌ర్ణి క‌థతో ఈ సినిమా రూపొందుతుంది.
ఆంధ్ర‌ప్ర‌దేశ్ రాజ‌ధాని అమ‌రావ‌తిలోని బుధ్ధ విగ్ర‌హం వ‌ద్ద బాల‌య్య రేపు ఉద‌యం 10.30 నిమిషాల‌కు వందో సినిమాను ప్ర‌క‌టించ‌నున్నారు. ఈ చిత్రానికి దేవిశ్రీప్ర‌సాద్ సంగీతం అందించ‌నున్నారు. ఈ సినిమాకి సంబంధించిన టీమ్ అంతా రేపు ప్రారంభోత్స‌వ కార్య‌క్ర‌మంలో పాల్గొంటున్నారు. ఈ చిత్రంలో బాల‌య్య సరసన న‌టించే క‌ధానాయిక ఎవ‌ర‌నేది ఇంకా ఫైన‌ల్ కాలేదు. ఈ ప్ర‌తిష్టాత్మ‌క సినిమాకి సంబంధించిన పూర్తి వివ‌రాలు రేపు ప్ర‌క‌టిస్తారు.