బాలయ్య వందో సినిమా ఫిక్స్..
- IndiaGlitz, [Wednesday,March 09 2016]
బాలకృష్ణ వందో సినిమా ఎవ‌రితో ఉంటుంద‌నే విషయం ఇండ‌స్ట్రీలో హాట్ టాపిక్ అయ్యింది. కృష్ణ‌వంశీ - క్రిష్ ఈ ఇద్ద‌రిలో ఒక‌రితో బాలయ్య వందో సినిమా ఉంటుంద‌ని గత కొన్ని రోజులుగా వినిపిస్తోంది. తాజా స‌మాచారం ప్ర‌కారం...బాలయ్య వందో సినిమాని క్రిష్ తో చేయడానికి ఫిక్స్ అయ్యార‌ట. గౌత‌మిపుత్ర శాత‌క‌ర్ణి టైటిల్ తో ఈ చిత్రాన్ని రూపొందించ‌నున్నారు.
త్వ‌ర‌లోనే బాలయ్య ఈ సినిమాని అధికారికంగా ప్ర‌క‌టించ‌నున్నారు. కృష్ణం వందే జ‌గ‌ద్గురుమ్, గోపాల గోపాల, మ‌ళ్లీ మ‌ళ్లీ ఇదిరాని రోజు...త‌దిత‌ర చిత్రాల‌కు సంభాష‌ణ‌లు అందించిన బుర్రా సాయిమాధ‌వ్ ఈ చిత్రానికి సంభాష‌ణ‌లు అందించ‌నున్నారు. ఈ చిత్రాన్ని క్రిష్ తన సొంత బ్యాన‌ర్ లో నిర్మిస్తారా..? సాయి కొర్ర‌పాటి నిర్మిస్తారా అనేది తెలియాల్సి ఉంది. ఇదే క‌నుక నిజ‌మైతే... బాలయ్య వందో సినిమా కోసం...బోయపాటి, సింగీతం శ్రీనివాస‌రావు, అనిల్ రావిపూడి, బి.గోపాల్, కృష్ణ‌వంశీ త‌దిత‌రులు ప్ర‌య‌త్నించిన‌ప్ప‌టికీ చివ‌రికి క్రిష్ ద‌క్కించుకోవ‌డం విశేషం.