బాలయ్య వందో సినిమా డైరెక్టర్ ఇతనే..
- IndiaGlitz, [Tuesday,February 23 2016]
బాలయ్య వందో సినిమాని సీనియ‌ర్ డైరెక్టర్ సింగీతం శ్రీనివాస‌రావు ద‌ర్శ‌క‌త్వంలో చేస్తున్న‌ట్టు ప్ర‌క‌టించిన విష‌యం తెలిసిందే. ఆదిత్య 369 సీక్వెల్ గా ఆదిత్య 999 అనే టైటిల్ తో రూపొందించ‌నున్న‌ట్టు ప్ర‌క‌టించారు. అయితే బాలయ్య వందో సినిమాని ఇలా ప్ర‌క‌టించారో లేదో...వందో సినిమా మాస్ డైరెక్టర్ తో చేయాలి..అంటూ అభిమానుల నుంచి బాల‌య్య‌కు ఒత్తిడి ఎక్కువైంద‌ట.
ఇక అప్ప‌టి నుంచి బాలయ్య వందో సినిమా డైరెక్టర్ అంటూ రోజుకో ద‌ర్శ‌కుడి పేరు వార్త‌ల్లో నిలుస్తుంది. సింహా, లెజెండ్ చిత్రాల‌ను అందించిన బోయ‌పాటి పేరు మ‌ళ్లీ తెర‌పైకి వ‌చ్చింది. ఆత‌ర్వాత ప‌టాస్ డైరెక్టర్ అనిల్ రావిపూడి పేరు విన‌ప‌డింది.క్రిష్ పేరు కూడా వినిపించింది. తాజాగా బాలయ్య వందో సినిమా డైరెక్టర్ అంటూ క్రియేటివ్ డైరెక్టర్ కృష్ణ‌వంశీ పేరు వార్త‌ల్లోకి రావ‌డం విశేషం. బాల‌కృష్ణ... కృష్ణ‌వంశీ ని త‌న‌కు స‌రిగ్గా స‌రిపోయే క‌థ రెడీ చేయ‌మ‌ని చెప్పాడ‌ట. మ‌రి..రుద్రాక్ష ప్రీ ప్రొడ‌క్ష‌న్ వ‌ర్క్ లో ఉన్న కృష్ణ‌వంశీ బాలయ్య కోసం క‌థ రెడీ చేస్తాడా..? బాల‌య్య‌ను మెప్పించి ఒప్పిస్తాడా..? లేదా అనేది తెలియాలంటే కొన్ని రోజులు ఆగాల్సిందే.