தனுஷின் 'அசுரன்' படத்தில் இணைந்த பிரபல இயக்குனர்
- IndiaGlitz, [Monday,February 04 2019]
தனுஷ் நடித்த 'வடசென்னை' மற்றும் 'மாரி 2' ஆகிய படங்கள் கடந்த ஆண்டு வெளியான நிலையில் அவர் நடித்து வரும் அடுத்த படமான 'எனை நோக்கி பாயும் தோட்டா' திரைப்படத்தின் படப்பிடிப்பு சமீபத்தில் தொடங்கப்பட்டு விறுவிறுப்பாக நடைபெற்று வருகிறது.
இந்த நிலையில் இந்த படத்தில் 'காதல்', 'வழக்கு எண் 18/9', போன்ற வெற்றிப்படங்களை இயக்கிய பாலாஜி சக்திவேல் தற்போது இணைந்துள்ளார். இவர் ஒரு முக்கிய கேரக்டரில் நடிக்கவுள்ளதாகவும் இந்த கேரக்டர் இந்த படத்தின் திருப்புமுனைக்கு உதவும் கேரக்டர் என்றும் கூறப்படுகிறது. மேலும் கடந்த சில ஆண்டுகளில் பல இயக்குனர்கள் இவரை நடிக்க அழைத்தும் அந்த வாய்ப்புகளை பாலாஜி சக்திவேல் ஒப்புக்கொள்ளவில்லை என்பதும் 'அசுரன்' படத்தில் நடிக்க மட்டும் ஒப்புக்கொண்டுள்ளார் என்பதும் குறிப்பிடத்தக்கது.
தனுஷ், மஞ்சுவாரியர் முதல்முறையாக ஜோடி சேர்ந்து நடிக்கும் இந்த படத்தை வெற்றிமாறன் இயக்கி வருகிறார். ஜிவி பிரகாஷ் இசையில் வேல்ராஜ் ஒளிப்பதிவில் விவேக் ஹர்சன் ஒளிப்பதிவில் இந்த படம் உருவாகி வருகிறது.