விக்ரம் மகன் துருவ் அறிமுகமாகும் படத்தின் இயக்குனர் அறிவிப்பு
- IndiaGlitz, [Monday,October 09 2017]
சீயான் விக்ரம் அவர்களின் திரையுலக வாழ்வில் திருப்பத்தை ஏற்படுத்திய படம் 'சேது'. இயக்குனர் பாலா இயக்கிய இந்த படத்திற்கு பின்னர்தான் அவருக்கு சியான் என்ற செல்லப்பட்டமும், ரசிகர்களின் அன்பும் கிடைத்தது
இந்த நிலையில் விக்ரமுக்கு திருப்பத்தை கொடுத்த இயக்குனர் பாலா தற்போது அவரது மகன் துருவ் அறிமுகமாகும் படத்தை இயக்கவுள்ளார். ஆம் தெலுங்கு படமான அர்ஜூன்ரெட்டி படத்தில் துருவ் அறிமுகமாகவுள்ளார் என்பதை சில நாட்களுக்கு முன்னர் பார்த்தோம் அல்லவா! அந்த படத்தின் இயக்குனர் பாலா என்று சற்றுமுன்னர் அறிவிக்கப்பட்டுள்ளது.
பாலாவின் இயக்கத்தில் நடித்த பின்னர் தான் விக்ரம், சூர்யா, ஆர்யா, விஷால், அதர்வா உள்பட பலர் முன்னணி நடிகர்களாகி உள்ளனர். அந்த வகையில் துருவ் நடிக்கும் முதல் படமே பாலா இயக்கும் படமாக அமைந்தது அதிர்ஷ்டமாக பார்க்கப்படுகிறது.