கேப்டன் விஜயகாந்த் அவர்களின் திரையுலக வாரீசான சண்முகப்பாண்டியன் நடித்த 'மதுரவீரன்' திரைப்படம் சமீபத்தில் வெளிவந்து நல்ல வெற்றியை பெற்றது. இந்த நிலையில் சண்முகப்பாண்டியன் மூன்று இயக்குனர்களிடம் கதை கேட்டுள்ளதாகவும், அவர்களில் தேசிய விருது பெற்ற இயக்குனர் பாலாவின் உதவியாளர் இயக்கும் ஒரு படத்தில் நடிக்கவுள்ளதாகவும் செய்திகள் வெளிவந்துள்ளது.

பாலாவின் உதவியாளர் பாலாசத்யா என்பவர் இயக்கத்தில் உருவாகும் சண்முகப்பாண்டியனின் அடுத்த படம் முழுக்க முழுக்க ஆக்சன் படம் என்றும், இந்த படம் இந்திய ராணுவத்தை குறித்த கதையம்சம் கொண்டது என்றும் கூறப்படுகிறது.

சண்முகப்பாண்டியன் தற்போது அமெரிக்காவில் இருப்பதாகவும், அவர் சென்னை திரும்பிய பின்னர் இந்த படத்தின் படப்பிடிப்பு தொடங்கும் என்றும் கூறப்படுகிறது. இந்த படத்தில் நடிக்கும் மற்ற நடிகர், நடிகையர் மற்றும் தொழில்நுட்ப கலைஞர்களின் தேர்வு நடந்து வருகிறது என்பது குறிப்பிடத்தக்கது.