மீண்டும் இணையும் பாலா-மிஷ்கின்.. எதிர்பார்ப்பை எகிற வைக்கும் தகவல்..!
- IndiaGlitz, [Tuesday,August 08 2023]
பாலாவின் தயாரிப்பில் உருவான ’பிசாசு’ என்ற திரைப்படத்தை மிஷ்கின் இயக்கிய நிலையில் தற்போது பாலா இயக்கத்தில் உருவாகி வரும் ’வணங்கான்’ படத்தில் மிஷ்கின் ஒரு முக்கிய கேரக்டரில் நடிக்க இருப்பதாக தகவல் வெளியாகியுள்ளது.
பாலா மற்றும் மிஷ்கின் ஆகிய இருவரும் பல ஆண்டுகளாக நெருங்கிய நண்பர்கள் என்பது தெரிந்ததே. அந்த நட்பின் அடிப்படையில் தான் பாலாவின் பி ஸ்டுடியோ நிறுவனத்தின் தயாரிப்பில் உருவான ’பிசாசு’ திரைப்படத்தை மிஷ்கின் இயக்கினார் என்பதும் அந்த படம் நல்ல வரவேற்பை பெற்றது என்பதும் குறிப்பிடத்தக்கது.
இந்த நிலையில் தற்போது பாலா இயக்கத்தில் உருவாகி வரும் ’வணங்கான்’ திரைப்படத்தில் ஒரு முக்கிய கேரக்டரில் நடிக்க மிஷ்கின் ஒப்பந்தம் செய்யப்பட்டு இருப்பதாக கூறப்படுகிறது. அருண் விஜய் மற்றும் ரோஷினி பிரகாஷ் முக்கிய வேடத்தில் நடித்து வரும் இந்த படத்தின் படப்பிடிப்பு கடந்த சில மாதங்களாக நடைபெற்று வருகிறது.
ஜிவி பிரகாஷ் இசையில் உருவாகி வரும் இந்த படத்தில் மிஷ்கின் இணைந்துள்ளதை அடுத்து இந்த படம் பெரும் எதிர்பார்ப்பை ஏற்படுத்தி உள்ளது என்பது குறிப்பிடத்தக்கது. ஏற்கனவே விஜய்யின் ‘லியோ’ உள்பட பல படங்களில் மிஷ்கின் தற்போது நடிப்பில் பிசியாக இருக்கும் நிலையில் ’வணங்கான்’ படத்திலும் இணைந்துள்ளார்.